BUPI NIH MISSION A THAWK

Lamkaltu hna nih vawlei khua zakip ah zeitiin an kal i Thawngṭha an chim

Bupi nih Mission a thawk

Judah Miphun, an Biaknak le Nunnak

BC. 63 ah Judah mi hna cu luatnak an rak sungh. Machabees chuahkehnak chungpeh hna an ruahnak a rak i ṭhen. Annih buainak kha Rome; Pompeo khua i uktu hna kut ah fainter dingin an pek. Ahnubik Jerusalem khua cu Rome mi hna uknak hmunah a rak cang i, David i siangpahrang ṭhudan zongah ramdang mi nih an rak phan.

Judah mi hna cu annih an nunnak lamthluan i teinak kha an theihṭhan bantukin atu lio i ramdang mi kuttang an phaknak zong kha an fih an duhlo. Bible ca chung i Pathian nih an pupa hna sin a rak kamhmi biakamnak asimi Messiah kha an hngak cio. Annih an hngakmi Messiah cu valei siangpahrang asi i, annih kha an ral hna kut in a kan khamtu dingmi asi tiah an ruat.

Pharisees- Annih cu miphun ngan zumhnak aa tlaihmi an si. Bible ca hlathlai in a thiammi an si i a zumhmi an si. Pupa hna i phunglam zong an kilven. Asinain ni le caan a lan lengmang tikah annih cu Thlarau lei nakin pumsa lei kha papek mi an si. Vawlei zatlang nunphung buainak hna cu an caah biaknak lei buaithlaknak bantukah a cang. Biaknak le vawlei lei aa cawhkalh cang. Annih cu Rome mi hna kha an huat i mah hna i tlaihkhipnak kha an duhlo.

Sadducees: Annih cu Rome mi hna he komh i rianṭuan kha an tlaihchan deuh. Phunglam le tuahning upadi hna kha tlawmte lawng an i zuam i an zulh. Judah mi tlawngbawi hna, mirum hna, cu phu hna chungah tambik an i tel.

Jesuh Khrih chanah Judah mi hna cu Palestine pinlei hmunzakip ah i ṭhenṭhek in khua an rak sa cang. Annih cu Rome pennak chung khuapi hna ah an um i uktu, sipuayi, tangka he pehtlaimi rianṭuannak hna ah an lut i rian an ṭuan. Annih kha ṭhenṭhek mi Dispersion tiah an ti hna. Annih cu an phanhnak kipah synagogues- pumhnak inn hna kha an sak i Pathian biak pumhkhawhnak an tuah. An thlarau kongkau, biaknak lei le nun ziaza hna ruangah biaknak ngeilo mi (pagans) pawl Judah phung ah an ra lut cio. Biaknak ah a ra lutmi hna kha phunhrawmh asimi hna (proselytes) tiah an ti hna.

Palestine le lenglei hmun i a ummi ṭhenṭhek mi hna cu Pharisee pawl i biaknak hmuhsak men rianṭuannak hna, Sadducees hna i i vawlei lei an duhdeuhnak phun hna khuhchilhnak umlo in, annih cu Mosese phunglam (upadi) le profet hna cawnpiaknak hna kha an zulh i thlarau lei le biaknak lei kha an thinlung nih a duh. Annih mitam deuh cu Jesuh Khrih hnuzul an si. An thinlung cu ram caah timhcia bantukin an um.

#Kan pehthan lai