CAAN CU MAN A NGEI (A peh)

Kan kaltak cangmi caan hna cu kanmah nih khirh `hanin lak`han khawh asilo i sersiam `han khawh zong a si fawn ti lo. Cu caan lio i a thami kan rak tuah ah thatnak, a `halomi kan rak tuah ah chiatnak kan zun ko lai. Sihmanhsehlaw kan rak tuahsualmi sualpalhnak vialte hna cu atu caan`ha kan hmuhmi te hi `ha tein hmanzia thiam in kan nunnak cu sersiam `han khawh an si. Kan nun sersiam `han dingmi tampi a um rih ahcun a siloah a tuni tiangah khamhnak hmuh dingin a hermi zulh ding lam zulh loin le zeirel loin caan`ha hna cu kan sawksam a si ahcun kan kutchungah a um lomi caan, kan uk khawh lomi caan, a ralai mi caan hna cu hngah ding a si ti lo. Atu caan ahhin kan sualnak i chirh in lamding zulh cu kan i timh awk a si cang.
Atu caante lawng hi kan caah kan khamhnak ni le caan a si ko tiin ka lungchungah riah ter in kan Pathian sinah bawmhnak halin a zaangfahnak hmuhawk kha kan i zuam ding a si. A kan pekmi caan sunglawi hna ruangah a sinah lawmh bia chim hna usih. Cutin kan tuah ahcun kan cung Pathian i thinhunnak cu a dai `han lai i cohlan mi fa kan si lai. Kan rak tuah sualmi sualnak vialte cu i cinken piak loin a kan um lai i zungzal a hmunmi thlarau nunnak taktak cu pek `han kan si lai. Cu caan te lawng cu kan kutchungah a ummi caan kan ti khawh. Kannih nih caan`ha kan hmuhmi hna cu chitkhatte ah kan thlarau khamhnak le sunghnak le rawhralnak caah timtuahnak ah kan hman khawh hna. Cu a si caah kan nunnak a thlentertu Ni le Thla le Kum le Suimilam hna cu zeinak hmanh in maan an ngei deuh, caan hmanzia thiam loin um cu zei tlukin dah `ih a nun ti kha a kan chimh.
Bawipa caah hman lo mi caan hna cu nun chung sungh a si ko cang. Atu Lent caan chungah hin Thlarau lei in a thazaang a dermi nih tha `hawnnak, Thlarau leiin a zawmi nih damnak le khamhnak hmuh caan a si. Nan puan siloin nan lung tu kha thlek u, nan lung tak tein i ngaihchih u law Bawipa nan Pathian sinah rak kir `han tuah u, Amah cu a thin a fual i ngaihthiam awk tu ah aa tim zungzal mi a si.( Joel 2;12-13) tiah a ti. A tang rih mi ni le thla ah Pathian cohlang mi hawi`ha le fanu fapa kan si khawhnak hnga kan caan`ha hmuh mi cu a lak in liam ter ti hna hlah usih.