Catholic Siangbawi Hna konglam le Sining hna

Priest(Siangbawi)
Siangbawi (Priest) ah hin tuanvo ningin phunhnih a um. Biaknak pek (parish) pakhat ah biaknak lei kongkau tuanvo latu Parish Priest (Hmunthu Siangbawi) le fimthiamnak lei kongkau mission riantuan Siangbawi (Priest) tiin phunhnih an um. Deacon a si i biaknak lei riantauntu pakhat cu thlathum thlali a rauh tikah Siangbawi cannak (Priestly ordination) pek an si i Father tiah auh an si.

Siangbawi hna ordination an lak lio tuahmi biakamnak hna:

1. Chastity (Thianhlimnak): Nupi ka thi lai lo tiin siseh, nupa sualnak tuah duhnak hnu zulh loin kaa sum lai, tiah biakam a si.
2. Obedience (Nawl ngaihnak): Uktu upa hna i nawl chuah mi lam hmuhsaknak hna ka ngaih (ka zulh) lai, tiah biakamnak tuah a si.
3. Poverty (Sifah innak): Semrel, sifah innak pahrang kha ka tuah lai tiah biakam nak le ka hmuhmi thil hna ah ka lung a tling lai, tiah biakamnak tuah a si.

Siangbawi (Father) te ah hin Diocesan priest timi le Religious priest tiin an um hna i biakamnak an tuah mi hna zongah aa dannak tete an um. Kan Laitlang Siangbawi (Father) a tuanmi hna hi Diocesan priest an si. Secular priest ti zong in auh an si.
Fiang deuh in theih na duh ah cun: https://bit.ly/3wS2uFI

Parish Priest (Hmunthu Siangbawi)
Hmunthu Siangbawi (Parish Priest) pakhat cu mah nh tuanvo lakmi biaknak peng (Parish) chung i biaknak lei kongkau vialte kha tuanvo lakin rian a tuan lai. Biaknak lei hna-hnawhnak(piahtana) hna kha a fainter lai. Khrihfa hna chungin zatlang nunphung buainak - piahtana hna zongah tlangtlak in a fainter lai.
Amah nh a fianh khawh lomi piahtana lawnglawng kha Bishop a chimh lai i Bishop nih tlang a tlakpiak lai. Catholic Bupi zulhphung (sikaan) ah upadi ningin hmunthu Siangbawi (Parish Priest) tuankhawhnak nawl lonh in Bishop sin direct pehtlaih in piahtana hna chimhnak nawl a um lo (Chimhphung a si lo). Hmunthu Siangbawi pakhat cu a peng chung biaknak lei kongkau he pehtlai in uktu cozah he pehtlaihnak zongah tuanvo a lak lai. Biaknak peng chung tuanvo lak in riantuantu Siangbawi (Father) tiah auh a si.
Catholic Bupi ah zatlang nunphung, fimthiamnak hna in biaknak karhter riantuan (mission tuan) hna zong kha (Priest) Siangbawi tiah auh an si thiamthiam. Cu Siangbawi hna cu tamdeuh in Sianginn hna, Keha hna, Sizung hna, Tar zohkhenhnak inn hna, Zeikta hna ah tuanvo an lak. Cu Siangbawi hna cu hmunthu Siangbawi bantukin sang le veng chung thihloh ngaihchiatnak kongkau tuanvo lak lawng siloin zatlang nunphung riantuannak hna kha a dang tein tuanvo an lak. Bianaah training (cawnnak) Sianginn hna, Siangbawi cannak University hna tiin tthanah (hmun) hna tuanvo latu an si.

Deacon
Deacon ordination an hmuh hlan lawngah minung sawhsawh lei kir duh ahcun kir khawh a si rih nain Deacon ordination (an can) an hmuh hnu ahcun nupi thitnak nawl le mi sawhsawh ah kirnak nawl a um ti lo. Rikhiah mi ziaza thatnak tuahnak (limhang) hna kha an kilven hlei ah thianhlimnak (Chastity vow), nawlngaihnak (obedience promise), sifahnak (poverty) hna kha ka thih tiang ka kilven lai, tiah biakamnak tuah a si. Nupi fa ngeih buin Deacon a tuan mi hna zong an um. 1 Timothy 3: 8-13 chungah:
“Khrihfa upa hna zong ziaza a thami le lungthin a thiangmi an si lai; zu tam tuk a dingmi an si lai lo i hakkaumi zong an si lai lo. Phuanmi zumhnak biatak cu chiatha thleidannak thiang in fek tein aa tlaihmi an si lai. Annih cu hneksak hmasa an si lai i an awn ahcun an tuan lai. An nupile zong ziaza thami an si lai i mi congoih hmangmi an si lai lo; zurit hmang lomi an si lai i zeizong kip ah miding an si lai. Khrihfa upa cu nupi pakhat lawng a ngeimi an si lai i an fale hna le an innchungkhar kha tha tein a zohkhenh khomi an si lai. Rian tha a tuanmi khrihfa upa cu hmaizahnak an hmu i Khrih Jesuh an zumhnak kong kha raltha in an chim ngam”.

- BAIBLE BUKBAU timi cauk chungum pp, 94-95 chungin langhter mi a si.