Halloween

Halloween = Mithiang mi hna Puai Ni zan lei.

 Hallowe’en timi Mithla hna ni timi cu “All Hallows’ Eve“ in a ra mi asi. Hallow/ a hallow peron (Thianter mi minung) timi cu Saint - Mithiang timi sullam a ngei.

Catholic Bupi nih November thla ni (1) ni ah All Hallows (Mithiang dihlak hna ni) timi Missa raithawinak a tuah. Chim duhnak cu Mithiang hna caah tuah mi Missa asi. Cucu a tlangpi in ‘All Hallow’ Day’ (Thianter mi dihlak hna Ni) ti asi.

Kannih Catholic hna nih October thla ni (30) ni kha ‘ All Hallows Eve’ (Mithiang mi hna Ni lai zanlei) kan ti. Zeicahtiah cu ni cu ‘All Hallows Eve’ (Mithiang mi dihlak hna Ni) timi “Mithiang hna Ni” (Nov. (1) ni lai zanlei) Evening/ Eve asi caah asi. November (1) ni lai zan kha Hallowe’en tiah a tawinak in an auh. “Evening befor All Hallows’ Day” Mithiang hna Ni lai zanlei, tiah sullam a ngei.

Zeicahdah Mithiang hna Ni (All Saints Day) le a thicia mi thlarau hna Ni (All Souls’ Day) hi kan tuah?

November thla (1) ni cu Mithiang hna Puai Ni timi nisunglawi ni asi. Cu ni ah Catholic Bupi cu Pathian he hmunkhat in Puai kan tuah ni asi. Bawipa Jesuh dawtnak chungah a rak nung kho i a thicia mi vialte cu Mithiang an si. Cheukhat hna cu Bawipa Jesuh bantukin dawtnak ah a nung i a pum a thih ahcun a thlarau cu Vancung ah a um lai.

November thla ni (2) ni cu, a thicia mi thlarau Puai Ni tiah minpekmi nisunglawi asi. Kan duhdawtmi hna thlarau kha theih`han cinkennak in conglawmh thlacampiaknak le thlacampiaknak a herhmi thlarau dang hna caah thlacampiak dingin cu ni ah puai tuahnak chan cu asi. Catholic Bupi nih cu ni kha Vancungram an phak hlan, thianternak hmun (Purgatory) ah a ummi thlarau dihlak caah thlacampiak dingin nisunglawi sinak ri khiah mi asi.

Kannih nih Hallowe’en kha zeitin indah kan tuah khawh lai?

A hme mi Mithiang hna Ni lai nikhat asi, tiah midang kha hngalhter khawh i zuam usih. Sualnak, thinphang thlalaunak le Pathian kha capo saih (nihsawh) nakin hnipuan i hrukaih lo in Mithiang hna bantukin i hrukaih uh. Kannih thawngin mitampi nih All Hallows’ Eve (Nov. 1-Mithiang hna Ni lai zanlei) kha an tlaihchan deuh i Mithiang hna kong zong kha an hlathlai an cawn khawh lai.

A thicia kan duhdawt mi hna thlan ah va leng usih.

November thla ni (1) le ni (2) ni hna ah hin a thicia kan duhdawt mi hna ca thlacampiak dingah Thlanmual (hmun) ah va leng hna usih. Kannih nih Pangpar dawhte hna i put in an thlankhor phazawngdan vanpiak hna usih.

Missa kai usih.

November (1 le 2) ni ah biapi deuhin a thiangmi Missa ah i telin a thiangmi Mithiang hna he a thicia mi hna kan conglawmh asi.

Hallowe’en Puai kan tuah lioah Mithiang hna caah thla kan campiak hna bantukin a thicia kan duhdawt mi hna, kan chungkhar hna ca zongah thla kan cam, kan inn ah siseh, a thicia mi hna  thlanhmun ah va lennak in siseh, Rosary thlacamnak, thlacampiaknak hna tuah khawh asi.

Alehtu Sayagyi - Norbert Ca Ling (RVA Hakha)