A Hmanlo mi Caah (Tuufa Zanriah)

A HMAN LOMI CAAH ZULH DING PHUNG
    Tette in kan dir ahcun, ahodah biahal ding mi cu a si lai? I ngaihchihnak phung ahhin a fiang: Kanmah cu a hmasabik biaknak phungah hruainak a ngeimi kha kan si, Didache, nih a chimmi ah sualnak i phuannak nih changreu le mitsur zu kan ei dinnak i kan i telnak ahkhan hlan kan sining kha a lonh lai, a ti. Missa raithawinak i aa dawhnak cu, hi zawn ahhin ahohmanh nih sualphawtnak an kan pe lai lo, kanmah le kanmah dah ti lo cu. “A lianngan mi Pathian sinah na sualnak ka phuang”. “Keimah ka sualnak ruangah hin, ka sual ko” ka ti.
    Kan sual dih ko. Kan ei kho lai lo. “Kan sual lo kan ti ahcun, kanmah le kanmah kha kan i hleng i, biatak kha kan chungah a um lo” (John 1:9). Cu lengah, cauk `ha nih hin hitin a chim, midang mipa n ih cun nikhat ah voisarih a tluk zongah (Proverb 24:16). Kannih nih cun tlawmtlin lonak kha kan ngei loh; dinnak nih khan a kan fialmi cu kan sualnak a tak a si ko tiah kan i ti awk a si. Sualnak hmete kan tuah mi zong hi a bia pi ngai mi thil a si ko zeicahtiah, Pathian sin ah cun kan palh, kan sual cio, Amah Pathian a lianhngannak cu tah khawh mi a si lo. Cu a si caah Missa raithawinak ah hin kan sualnak ah khan zaangfah kan hal lai i, cu ti cun Vancung zaangfahnak lam ah khan an kan chiah lai. Kyrie chungah, Thumkomh Pathian ah khan zaangfahnak kan hal cio: “Bawipa, hung ka zaangfah kan ti. Khrih nih zaangfahnak kha a ngeih”. Ngaithiamnak kha kan tuah lo, asiloah rawhnak sawhsawh in kan um. Kanmah ruahnak in kan um. Ngaihthiamnak kan hal tik ahcun, zaangfahnak biacah mi kha kan theih. Mi pakhatkhat nih Missa raithawinak kha aa tlaih ahcun, cucu zaangfahnak cu a si ko.
    Biatlang tlinglo mi ah “Bawipa, hung ka zaangfah” timi cu Bible ca chungah hin a lang lengmang. Bible ca a phun hnih in (Salm 6:2) nak kha zoh. Salm 31:9, Matthai 15:22, 17:15, 20:30 nak zong kha zoh hna. Bible cahlun nih atu le atu a nolh mi ah, zaangfahnak cu Pathian sin in a ra mi a si (Ex 34:6, John 4:2) kha zoh hna.
    “Bawipa nih zaangfahnak kha a ngeih” cu zaangfahnak cu a hmsabik Khrihfa hna Pathian biaknak phung zongah khan a hmun rih. A ngaite, Latin Nitlaaknak lei zong ah khan hlaan Greek sining khan thil kha humhim a si. “Kyrie eleison” ti a si. Nichuah lei biaknak phung a cheu hna zongah, bu nih khan Kyrie kha an nolh lengmang i can sau deuh pi in nawlnak kha Pathian sinin mithmai `hatnak an hmuhnak dingah an hal. Byzantine mi hna lak ah khan hi nawlnak hi daihnak caah fak piin tuah a si: “Daihnak chungah, Bawipa sin ah thla kan cam lai... cunglei in daihnak hmuh awkah le hi vawlei pumpi i daihnak hmuh awk ah...