India Ram cah Thlacam

- Nifatin ngale-eu zawtnak ruangah nuai 4 reng thinphang khuaruahhar vansang in a um mi India mi pi hna nih hnemhnak thazang an hmuh khawh nak hnga ding caah le damnak an hmuh khawh nak hnga ding caah, Siibawi hna le thiamsannak a ngei mi hna nih thlopnak Sii-ai tha a ran khawh chungin an hmuh khawh nak hnga ding caah; cun ram mipi le ram hruaitu hna riantuan ti nak thawngin teinak an hmuh khaw nak hnga ding caah thlacam piak cio hna u sih.

"Zan i a chuakmi tihnungkha na tih hna lai lo,
chun ah ruahpak loin a chuakmi cantiang zong khan a tih lai lo;
Mui lak i a ummi rai zong khan a tih lai lo i
chun ceu i mi a that cuahmahmi
ngal-eu zong kha kan tih lai lo." PSALM 91:5-6

"Zangfah thiam mi Bawipa Pathian,
Coronavirus ruangah harfahnak a tong mi vialte hna caah
Thla kan rak camnak hi run kan theih piak ko!
Hi zawtnak hrik in a zaw mi vialte hna zong nih
thlopbulnak tha an hmuh khawh cio nak hnga le
hnemhnak an hmuh khawh nak hnga ding caah run zangfah hna law
Na thawnnak in run um pi zungzal ko hna.

Mizaw zohkhenhtu, chungkhar cio hna le
pawngkam um mi vialte hna zong ngal-eu zawtnak-virus
chungin run khawmh hna law himnak pe hram ko hna.
An dawtmi hna nih an liam tak cang
mi vialte hna zong hnemhnak run pe ko hna.

Thlopbul nak sii-ai a kawl mi Siibawi le
mifim hna zong nih an i zuamnak thawngin
mi vialte caah le ngandamnak lei in teinak an hmuh
khawhnak hnga ding caah lam rak hmuhsak ko hna.

Tihnak phunkip in kan luatter law teinak
kan hmuh khawhnak hnga caah, tiin
Lourdes Bawinu Thlacam piak nak thawngin,
Nangmah le Thiang Thlarau Pathian he
zungzal a um mi na Fapa
kan Bawipa Jesuh Khrih min in kan in hal." Amen

Add new comment

9 + 2 =