Lam Hmuhsaktu

MISSA RAITHAWINAK AH LAM HMUHSAKTU
    Bible cathar in a dang Khrihfa hrampi ah Lamkaltu hna chan in hnu deuh chikkhat te ah, hi kong ah thimmi kan ngei. An kalpi mi phung cu a fiang ko, cafang an chiah mi zong an chiah mi ning tein a um ko, zumhnak kha a dang ram hna ah le holh dang ah a hei karh zongah. Biaknak lei Pathian rian a `tuantu hna bu, sayate le hlaan Khrihfabu a dirkamhtu hna cu lungkhat tein an um i changreu le mitsur zu hmannak phung a feh khawhnak hnga an i zuam, cu zong cu Jesuh pum le thi changreu le mitsur in a langh pengnak ding caah khan a si.Mah hi kokek Pathian biak ningin raithawinak kha a si. Biaknak rian a `tuan mi hna zong cu `tha tein nawl pekmi an si lai: Pathian biaknak ning cang tein tuah a herh ning: Cuti kan tuah ahcun Khrihfa bupi i changreu le mitsur zu ei dinnak phung kha a rawk kho lailoh. Thawng`tha chan in atutiang a hmun peng lai.
    Bible cathar cauk lengah, hlaanbik Khrihfa mi hna i ca`tial mi zong a um `theu ko rih, cucu biaknak phung i sining kha a si. Kanmah nih, Missa raithawinak kan ti. Cuka ahcun Didache an ti mi kha aa tel. (Greek holh in cun “Cawnpiaknak”) tinak a si. Didache cu Lamkaltu pawl cawnpiaknak cauk khomh mi kha a si, i Antioch khua le Syria ah khan an khomhsuat. (Lamkaltu 11:26) kha zoh. A kum in cun A.D 50-110 kha a si. Didache nih hin bia ah “raithawinak kha a hman, hi ka zongah changreu le mitsur zu einak kong voili a chim, pakhat fiang tein an chimmi ah hi raithawinak cu Bawipa nih a rak chimmi kha a si”. Changreu le mitsur zu hman hlan zongah sual i ngaihchihnak cu a um kho ko. “Bawipa hrimhrim hi ni ahcun hmunkhatte ah i pum ulaw changreu kha beuh in lunglawmhnak bia chim uh, a hmasabik ah nan sualnak kha phuang uh, cucu nan sualnak a thenh khawhnak ding ah”. Raithawinak a duhnak cu, Didache nih changreu le mitsur zu hmannak i Thlacamnak tuahnak kongah a chuahpi mi cu rel tikah lung a mit ko. Biazaai i chuah mi nih Pathian biak ning ah ni hin Khrihfa mi hna sin ahcun hla zong in a chuah pi, cucu Nichuah leimi hna le Nitlak lei mi hna nih an hman cio.
    Hi an khuai mi changreu cu tlangcungah khan an `thek dih i hmunkhatte ah an i pum, pakhat ah an i cang, cu a si caah na Khrihfa bu zong kha Vawlei donghnak in Pennak chungah hmunkhatte ah pum hna: Zeicahtiah Jesuh Khrih thawngin Sunpar lianhngannak cu nangmah ta a si, a zungzal in hmun ko seh. Asinain ahohmanh nih hi changreu le mitsur zu cu lawmhnak bia chim loin ei ding hlah, Jesuh minin tipilnak a ing lo mi hna dah ti lo ahcun.
    A lianngan mi Bawipa, Na min ruangah zeizong vialte hi na ser hna, i rawl le din awk kha minung nuamhnak caah na pek hna, cucu nangmah sin ah lawmhnak an chim khawhnak dingah: Nangmah nih cun thlarau  lei rawl le din awk zong na fapa thawng in zungzal nunnak caah na kan pek.
    Bawipa, na Khrihfa bu hna hi philh hna hlah.`That lonak chung in khamh hna law na dawtnak in mitling siter hna. Cun hmunkhat te ah vawlei killi in pum hna, Na Khrihfa bu cu raithawi an si cang. Na Pennak na timh mi chungah lut ter hna.