OBLATE BIAKNAK KARHTER HNA

OBLATE BIAKNAK KARHTER HNA KUTTANG I BIAKNAK KARHTER (MISSION) RIANUANNAK HNA

Italy ram Turin khua ah hrambunh mi Oblate Biaknak karhtertu hna cu Myanmar ram Khrihfabu (Bupi) kha Barnabite hna kut chungin a rak laaknak caan cu, Myanmar ram ah aharbik lio caan asi kan ti ko lai. Barnabite biaknak karhter hna cu France cozah dohnak tilet hnu zulhnak ruang ah Myanmar Biaknak leikuang in a laakṭhan tikah cun Rome khua i Biaknak karhternak zungpi in khulnuar loin Tlangbawi hna kha a rak thlah colh hna. Voikhatnak le Voihnihnak Mirang le Myanmar raldohnak (1824, 1852) ruangah Myanmar ram ahkhan thil umtuning fak deuh in a rak har deuh. (1842) in (1856) kum, France biaknak karhter hna an rak phaknak caan tiang Oblate biaknak karhter hna cu kum tlawmpal ṭuanvo an rak lak. Biaknak karhter hna kha voikhat ṭhan in thlah ding a um tilo kha a hmuhton tikah annih Biaknak karhter rian kha France biaknak karhter hna (MEP) kut ah (1856) kum ah a rak pek.

Oblate biaknak karhter phu cu a milu an tlawm lawng siloin caan tawite chung an ṭuanmi asiko nain annih rianṭuannak hna tucu roca ṭial cio dingmi kha asi. Fr. Abona cu, Myanmar Siangpahrang hna chungin Biaknak lei a zumh taktak mi Mintung Siangpahrang he naihniam tein aa kommi asi. Myanmar miphun hna i thinlung cu Siangpahrang cung lawngah aa hngat lai timi zumhnak he, Fr. Abona nih amah i biaknak karhter rianṭuannak cu Siangpahrang inn in a rak thawk.

Add new comment

3 + 1 =