Pathian Biakning Kan Zia ah Ser. . .

Biaknak i hman mi Rimhmui in pek lio. Photo by Mateus Campos Felipe

Pathian Biakning Kan Zia ah Ser

Tuah keel mi thil tuah lengmang hi phungttha sawh sawh lawng a si lo. Zeicahtiah cun kan tuah keel mi thil hna cu biatak tein kan cungah rian an ttuan caah a si. “Order” nawlpeknak a um tikah kan nunnakah daihnak a chuahter deuh, thil a kan ti ter khawh deuh i kan tuahser mi thil hna ah hmual a ngeihter deuh. A ngaite kan ti ah cun tuah keel mi tuah leng mang nak nih thil a ti kho, a tuah kho deuh mi a kan siter ko. Thil pakhat khat kan tuah lengmang tikah thiamnak le theihnak kan ngei hna i thil hme tete a tu le a tu ruahtthan lengmang nak in a kan luatter. Tuah tawn lengmang mi nih thil ttha a chuahter, thinlung zong a cawi santer.

Khrihfa hna nih Pathian an rak biak ning phunglam ah caan saupi an rak hman cang mi biatlang hna cu Pathian an zumhnak ah an nunnak in an rak phuan mi a si.  Cu biatlang hna cu Pathian fanu fapa hna i lunglawmh biachiamnak, Khrih mo a si mi Bupi nih Pathian sin “Bawipa, Kan dawt ko” tiah chimmi bia bantuk hna an si. Cubantuk tuah serning  biaknak phunglam hna nih thazang tthawnnak a kan pek i, thlarau lei nunnak lawng si lo in Pathian tlanh cia mi pakhat cio i vawlei cung kan nunnak hrimhrim ah hin thatthawnak a kan pek caah a si.

Biaknak phunglam kan ti mi cu mipakhat  i a zeizong vialte; a taksa, thinlung, thlarau le nunnak vialte hna he aa pehtlai mi a si. Catholic Khrihfa hna nih Byzantine seminary ah an mah phunglam ningin zaanlei pumhnak an rak tuah lio ah avoikhat nak bik kaa rak i tel ve lio kha ka hun i thei tthan. Ka rak tthannak Calvanist cawnpiakning hna nih Catholic Khrihfa hna i hman mi miekhu rimhmui , an zuk suai mi (icon), an bawh ning hna, lu kun nak hna, hla an sak ning hna le darking an tum ning hna cohlan khawh dingah a rak ka harhter ngai.  Sihmanhsehlaw, ka hmuh mi hna nih ka thin lung le ka rauhnak hna an ka cangh ngai hna.  Cu lio te ah Siangbawi tintan a kai lio mi pakhat nih bia a ka hal mi cu, “Nang, zeitindah na ruah?” tiah a ka ti. Cu lio i ka chim khawh mi cu, “A tu cu zeiruangah dah Pathian nih pumsa a ka pek i midang hna he biaknak phunglam ningin Pathian cu baik awk a si ti kha ka hngalh ” tiah ka rak leh.

Catholic Khrihfa hna nih Pathian thawngttha bia hna kha a ngaih lawng ngai loin nan biakning phunglam tuahser ning hna in kan ngaih, kan teh, kan hmuh hna i kan theih hna.

 

SCOTT HAHN  tial mi “The Lamb’s Supper” chungin leh mi a si.

(Kan pehtthan te lai……..)

Add new comment

6 + 3 =