Tep law Zoh!

Tep law Zoh (Thei law Tawng)

Missa Raithawinak a thencheu theihnak

Micheu nih cun hlan lio Khrihfa hna Pathian biaknak cu a thiangmi duhpaoh in an chuahter mi le zeituak taan tuk loin le i timh lamh chungnak ngei loin an tuah mi a si tiah an ti. A hmasabik Khrihfa mi hna kong kha ruah tthantikah zumtu hna cu zumhnak lei in siseh, thangthat lawmhnak pek nak lei zongah an tha a nuamh caah thlacamnak zongin an tha a rak tthawng ngai ngai. Biakinn ah an i pum hna i changreu an cheu hna i thlacam tinak le i hrawn tinak zong an rak ngei. Cu a si caah,  pumhnak a dih tik i a pum mi paoh nih Missa raithawinak tuah lio bantukin “kan dawt ko” tiin chim cu a hau ti hnga maw?

Hlaanah cun cucu karak zumh ve ko. Bible ca le tuabia hna kha ka zoh tthan hna tikah Pathian biak tik i sining ttha hna kha ka hmuh tthan hna. Duhsah tein, (protestant ka si lio ah) keimah le keimah Bible catlang hna kha hmangin Pathian biakning phunglam ser kaa rak zuam. A hnu ah ka hun hngalh tthan mi cu, tuah ka rak i timh mi vailte hna hi rak tuah ding an si cang ko kha ka hmuh.

St. Paul tiangin kan hun zoh tthan a si ah cun, Khrihfa hna caah aa tlakmi, a fiangmi Pathian biak ning le nunzia hna zong kha a um tak cang ko. Hi ka ahhin a sullam a ttha mi an um tiah ka zumh. Khua a rak ruat kho deuh mi ka hawile hna sinah khan biaknak konglam he pehtlai in tuahsernak a ngei mi hna cungah nan lungsau ko uh tiah ka rak ti hna.

Zeicah tiah cun, Pathian kan biak nak zongah hin tuahsernak hna hi a rak herh taktak mi an si caah a si. Timhtuahnak zeihmanh kan ngeih lo a si ah cun minung pakhat le pakhat kan i chonhbiak nak hmanh ah hin zeitin dah kan si hnga?

Kan fa le hna zong nih “kaa lawm” timi bia an cung i kan chim leng mang mi a theih zong an vuai ngai cang ko lai. Nu le va cung zongah “kan dawt” timi bia a thei duh tuk ti lo mi, a dam lo mi chungkhar hna zong ton ka duh rih hna.

Pakhat le pakhat cungah dawtnak le zumhfekin kan um nak kan langhter nak cu ka tuahser nak hna hin an si. Midang cungah hi bantuk thilttha kan tuah mi hna hi tuah sawhsawh men si loin, kan dawt tak tak hna, kan tuarpiak taktak hna caah a si tiin langhter hna u sih. Dawtnak cu kan nunnak in siseh, kan tuahser nak in siseh langter hna u sih.

(Kan Pehtthan te lai. . . . .)

Add new comment

2 + 8 =