TUAR KAN HAU KO

Tukvelh an tuar

India: Khrih zumtu pawl, an khuami nih thinhung in an hro hna

India ram, Chhattisgarh State, Kondagaon pengkulh um, Bhaisabod khua ah chungkhar cheukhat hna cu Khrih an zumh ruangah hronak le hrawhnak an tong. Chungkhar (8) in ngakchia, upa mipum 15 hrawng cu Khrihfa hna thlacamnak ah an thinlung a luttuk i Khrih zumtu hna i lam an zulh i thok. Asinain an khuami pawl nih cukong an theih tikah, lungawmhpi kho loin an hro hna i an hmuhthar mi Khrihfa hna i nunning kaltak in, an zumhnak ṭhing ah an kirṭhanlo asiahcun, an cungah ṭih a nungmi thil harnak an tuah lai titiang in ralrinnak an pek hna.

Cu chungkhar 8 chungin Khrifa a lut taktak mi ahohmanh an um rihlo nain, Khrihfa pawl i zaanlei thlacamnak cu an cam tawn. Anmah lei nih khrihfa nunzia zulhin thla an cam tikah hnangam diahnak an hmuhnak kong an chim. Khrih an zumhnak an hlonh duhlo caah, ruafung le kedan pawl he tuk le velh an tuar i, cheukhat inn hna cu hrawh an tong. Zawmtaih tuartu chungkhar pawl nihcun an nunnak ca thinphannak ruangah police pawl sinah humhimnak tuahpiak dingin an nawl hna.

Police lei i an chimning bantuk asiahcun, hi thil canning hi, mi cheukhat pawl nih midang hna sinah Jesuh Khrih an zumhnak kong an chimnak ruang i a chuakmi chungkhar buainak menmen asi an ti. Asinain, pengtlang police zung nihcun, palhnak ngeitu hna cungah aherh ningin biaceihnak an tuahlai nak bia an kamh hna. Sihmanhsehlaw, zawmhtaih tuartu chungkhar chungtel hna nihcun, ṭuanvo ngeitu police zung lei in hi buainak kong cu ṭha tein an ceihkhan piak lai ticu an zum lemlo. Chhattisgarh State i Christian Welfare Society timi Khrihfa hna ṭhatnak lei ceihkhantu mibu nihcun, hrawhnak a tuahtu hna tlaih dingah an nawl hna.

Keimah tongmi: Thantlang ka umlio khua pakhat ah khual ka tlawng i an khua i Catholic Khrihfa chungkhar pakhat nih a ka cjhimmi cu "Catholic kan si caah lo thlawhnak hmun le ram an kan pek duhlo i ahartuk" tiah a ka chim baltu an um. Paul zong nih khrihfa hna a hrem balve. A zumhnak cu kan phunglam in Judah zumhnak ka ttanpi ti asi. ahmaan maw a palh?

https://bit.ly/3HBxHUS

Add new comment

8 + 8 =