Tuufa Zaanriah

Zaanriah

AIAWHTU KHA COHLAN LO A SI
    Antioch khua in, Syria ram chungah, a vun changtu kan tette kha a hrinthar mi Khrihfa Bu Eucharistic doctrine a pommi hna sinah a hung chuak. A.D 107, St. Ignatius, Antioch Bishop nih atu le atu in Eucharist kong kha nitlak lei khual a tlawnnak, amah kha martyr in a thih lai te ah a “Raithawinak hmun” tiah a ti. Philadelphian mi hna sinah hitin ca a `ial. Cun, i ral ning, ngeih khawh cu a si ko nain Eucharist pakhat lawng a si lai. Bawipa Jesuh Khrih ah titsa pakhat lawng a si, cun hrai pakhat cu amah thi langhternak ca i lungkhat i umnak kha a si: biak`heng pakhat a um, cun Bishop pakhat a um fawn, amah he tlangbawi hna le Khrihfa upa hna le, sin-um hawi hna kha an um, “Smyrna Khrihfa bu ca a kuat mi hna ah Ignatius nih a ping i kalpi mi zumhnak kha a doh, hlan deuh can lio zongah a hman mi doctrine kha a si lo ti in an rak ti fawn hna: “Eucharist le thlacamnak he a dang te umnak kha an rak i tlaih, zeicahtiah Eucharist cu kan khamhtu Jesuh Khrih thisa a si tiah an phuang duh loh. Eucharist cu a `ha mi ah ruat hna usih law hihi cu Bishop asiloah amah i rian a pek mi nih zohkhenh ding a si.
    Ignatius nih a chim mi ah Bawipa zanriah cu biatak a hmaan mi a si nain hi Khrihfa zumhnak kong aa fiang lomi hna caah cun `ihnak chuahpi tu ah a cang. Hi bia a hmanmi hna hi pawngkam ah laak mi a si, hi nih hin Rome pennak mi nih an thangchiat mi seh zung kha a cawm, hnu deuh ahcun Missa ei (Bawipa thisa ei) hmangmi ti i puhnak kha a lotlau. A tanglei kumhra chung hna ahhin Khrihfa bu i run vennak kha cathiam ngaimi lungthleng mi pa, Samaria mipa Justin sinah a tla. Justin hi a thli in an thuh mi hlanlio Pathian biaknak phung puanzaar kha a hungtu a si. A.D 155 ah khan, Rome Emperor (Siangpahrang) pa sinah ca a kuat i kan tuah khawh dingmi kha a langhter, cucu Missa raithawinak an timi a si. Hi min cu caan saupi chim peng awkah a man a sung mi a si.
    Nikhat kan len lio ah, khuapi chung i a ummi asiloah khuate chungah a ummi hna hmun pakhatte ahkhan an i pum. A zultu pawl hna theihnak le profet hna i ca an `ial mi kha an rel, a can an ngeih chung poah kha careltu pa nih a ca rel a vun dih cun hi pumhnak i hruaitupa nih aa pum mi hna sinah chimhhrinnak kha a tuah hna i hi thil dawh mi kha nawlcawn awkah a chimh hna. Cun kan za tein kan tho hna i kanmah cio i thla kan cam hna, i a dang mi vialte hna ca zongah, khoika um mi an si zongah kan nun chungah kan din i thil`ha kan tuahnak hnga le nawlbia pahra ah fel tein kan umnak ding le zungzal khamhnak kan hmuhnak dingah thla kan cam fawn.  Thlacamnak kha a dih in kan i hnam duahmah hna. Cun mi pakhat nih changreu le ti hraikhat le mitsur zu kha a vun nawn i unau vialte hruaitu pa sinah khan a pek. A vun lak i zeizong vialte a sunparnak kha a pek, Fapa le Thiang Thlarau min in caan tampi lunglawmhnak bia a chim. (Greek holh in eucharistian) ti a si, hi zong hi hi laksawng caah aa tel mi kan si khawhnak ding caah khan a si. Thlacam le lawmhnak biachimnak a hung dih in, hi ka a ummi vialte hna nih khan “Amen” an ti cio. Cu ti caan uktu pa i lawmhnak bia a vun chim i kan leh hna ah, Khrihfa upa hna nih khan eucharisted changreu le mitsur zu le ti kha a ra kho lomi hna kha an put hna.
    Justin nih hi Zarhpi ni ah hin a duh mi kha fianternak a thok hnu ah fiangte le hman tein a chiah, ni hin ni cu Zarhpi ni Jesuh thihnak in a thawh`hannak ni kha a si. Hlan Khrihfa mi hna nih “Bawipa Ni” cu an theih hngalh cu he cun Zarhpi ni cu tette khannak ni sunglawi mi ah an chiah. Pathian biak an rak thok ka ah Zarhpi ni cu a tling cang i ni sarihnak ni kha an ai awh, Judah Sabbath ni kha a si. Hi ni cu Bawipa ni a si, bianabia ah, John nih Thiang Thlarau a khah i Pathian a biak lio ah, vision (hmuhnak) kha a ngei i caan dongh lai i thil a tlung dingmi harnak kong vialte kha a hmuh hna. 

#Kan peh`than telai >>>

Add new comment

1 + 1 =