Tuufa zanriah

PATHUMNAK
A HMASABIK KHRIH MI HNA NIH AN RAK TUAHMI MISSA RAITHAWINAK
    “Missa raithawinak” phung le “minung in raithawinak” phung hna kha a hmasabik Khrihfa hna chanah a rak um tiah i puhnak le biathli in chimnak a rak um. Cu caah tuan deuh Khrihfa hna nih khan hi kong i bia siphai le chimrelnak um lo dingin zaangfah nawlnak le thlauhnak kha an rak tuah. Hi mi kong caihnak a rak um mi hi Pathian bia lomi hna nih bia an rak perh mi a si i kan hmuh khawhmi cu Khrihfa nunnak le biaknak ah thil fiang tukin a langmi kha a um.
    Mah hi Bawipa zanriah einak i an rak hmanmi changreu le mitsur zu kha a si. Jesuh Khrih raithawinak ai awh in, Bawipa zanriah ah Khrihfa mi nih an hman mi cu Jesuh pum le thi kha a si. Hi zumhnak kong i bia merhnak a ngeitu hna cu Pathian bia lo mi Khrihfa bu  a ralchan mi hna kha an si. Hi Pathian bia lo mi pawl nih an rak theih sual mi cu theih awkah a fawite ko. Hlan deuh Khrihfa bu ah cun tipil a ing mi hna lawng kha Bawipa Zanriah einak ah an kalter hna, cu a si caah Khrihfa mi hua pawl cu Khrihfa asilomi hna he hi thilthuk kong an i ruah ah an hnabei a dong. Cu a si caah Pathian bialo mi hna ruah nak cu a chiah tuk i kaltak a herh, a pelpawi zong hloh dih ding a si. “Mah hi ka pum a si... mah hi hraai an chiahmi hi ka thi a si... Mi Fapa i a sal le a thi kha nan ei nan din lo a si ahcun...
    Pathian thei lo pawl nih cun an hngalh mi ah Khrihfa hna sin i, i tel cu an phung ah a mak mi le thil a thlithup in tuah mi phung kha a um, ti a si.
    Khrihfa si cu Missa raithawinak ah kal a herh. Mah hi cu a hman mi a si, hi kong cu Biakam thar a hmasabik ni ah a um. Cu hnu can tlawmte chungah, Jesuh cu thihnak in a tho `han. Amah nih Alam a kalnak ding cahmai kha a hmuh i a zultu pahnih hna he khan an si. Changreu kha a laak i thluachuahnak a peek, a cheu i a phawt hna. Cun an mit kha aa hung.
    Amah cu changreu a cheu lio ah khan an hngalh (Luke 24: 30-31,35). Changreu le mitsur kong cu Lamkaltu hna sinin a fiang ko, hlan Khrihfa nunnak ah khan an fianter mi a um: A zultu hna cawnpiaknak le i komhnak ah khan an i pe, changreu cheuh le thlacamnak zongah (Lamkaltu 2:42) St. Paul a voikhatnak Corinth mi hna ca kuat ah khan (a ngan.11 zong ah). Hi cung ahhin a tak in `ialmi kutken a um i Pathian biak ning cawlcanghnak kong kha a um. Paul ca kuat nih a langhter mi cu Pathian biak ning kong fiang tein vun chimhnak kong kha a si, hi bia cu Jesuh sin ah laakmi kha a si “Hmanungbik zanriah” kong ah.
    “Keimah zong nih Bawipa sin i ka hmuh mi kha kan chimh hna, Bawipa Jesuh Khrih an leirawi zaan ah changreu kha a laak, i thla a cam, a cheu i hi tin a ti, “Mah hi ka pum kan peek mi hna a si. Mah hi  keimah philh lonak ah vun tuah lengmang u. Cu bantuk `hiam`hiam in zanriah ei hnuah  hrai zong kha a laak i hitin a ti. Hi hrai cu biakam thar chung i a ummi ka thi kha a si a ti. Keimah philhlonak caah vun ding lengmang uh (ICorinth 11:23-25). 
    Paul nih hi kong i biatak te i telnak ah zumh lonak a um sualnak hnga lo le `ihnung a si mi kong kha ah a chim: “Mi pakhatkhat nih hi changreu le mitsur zu ning cang loin a ei a dingmi caah bia ceihnak a um lai” (ICorinth 11:29).