Tuufa Zanriah (Tep law Zoh)

PALINAK
Tep law Zoh (Thei law Tawng)
Thawng`thabia kha 
Missa raithawinak a `thencheu theihnak
    Micheu hna nih cun cu tin va si seh law, tiah thinlung in an tuak, hlan lio Khrihfa mi hna Pathian biaknak cu a thiangmi duhpoah in an chuahter mi le zeituak taan loin i timh lamh chungnak ngei loin an tuah mi a si. A hmasabik Khrihfa mi hna kong kha ruah tikah zumtu hna cu zumhnak lei ah tha a nuam i thang`that le lawmhnak pek lei ah an i pe tuk i thukpi in thlacamnak zong kha an ngei, biakinn ah an i pum hna i changreu i cheuhnak zong kha an ngei. Cu an i pumhnak a dih hnu ah, aho zongnih Missa raithawinak bantukin “kan dawt” tiah au cio a si.
    Voikhat te ah cucu ka rak zumh ve. Bible ca le tuanbia ka zohnak in Pathian biak tik i sining `tha kha ka hmuh. Duhsah tein, (protestant ka si lio ah) keimah le keimah kha biaknak phung chungah ka lut i Pathian biaknak phung kha ser ka zuam, cu zong cu Bible cabia ningin a si. Tlawmte ka vun hngalh in, duh mi kha a hung chuak colh.
    Tuandeuh ah khan St. Paul sin in, Khrihfa bu he aa tlakmi a fiangmi Pathian biak ning le nunzia kha a um. Hi ka ahhin a sullam a `thami a um tiah ka zumh. Tuaktannak a ngeimi ka hawile hna sinah khan nan lungsau uh tiah ka ti hna, ka chim mi ahcun, mi va hnek le tuah tawn pengmi tuah cu thil`tha lo a si, ka ti. A ngaite kan ti ahcun, hi thil hna zong hi thil `tha mi, Pathian duhnak le, dai te umnak nunnak ah an herh ve ko. `Tial cia mi cazin hna le tuah pengmi tuahnak in, rian kan `tuanmi ni ah tlawmte lawng kan liim khawh lai. A herh mi biatlang a tling `tunglo mi bia chia loin, minung pakhat le pakhat kan i pehtlaihnak zeidah a lawh lai? Nu le pa zong ka tong rih hna loh, anmah zong an fale nih chim mi bia theihnak nih a neng hna, kha hlaan lio biatlang tling lo mi nolh lengmangnak kha “Ka lawm ko”.  Nutung nu pakhat “kan dawt ko” timi bia chim mi theih awkah hi bia nih a simh mi nu zong kha ka tong kho rih loh.
    Kan tuah tawn mi phung i zumh tlak sinak in tuah mi zong cu dawtnak a si. Rian cu a phugnmen in kan `tuan loh, lunglawmhnak bia zong zeitipoah in kan chim loh asiloah kan i biatak lio ahcun, dawtnak bia kha cu kan chim awk a si ko. Dawtnak taktak kha cu kan i nun pi peng awk a si ko, i cu phung kan i tlaih pengmi nih kan i nek mi tuah `than lengmang ding mi phung kha a chuahter lai.