Um phunli, Minung phunli

Um phunli, Minung phunli

Phunkhatnak Um (bel) cu a chungah zeihmanh a um lo nain an khar mi, a chin chinh mi um (bel) phun khi a si. Mi cheukhat nih upat awktlak an sinain Pathian bia a thei lo mi an si.

 Phunhnihnak um (bel) cu a chungah a khat ko nain hun mi, a chin chinh lo mi an si. Cheukhat minung cu upat hmaizah tlak an si lo nain Pathian bia a hngal ngai mi an rak si.

Phunthumnak um (bel) tu cu a chung a lawngpi, a chin zong chinh lo aa hung mi a si. Cubantuk mi hna cu muihmel zong dawh lo, dinnak (Bible) zong zeihmanh a thei lo mi hna khi an si.

Um (bel) phunlinak cu a chung zong a khah, a chin zong chinh mi um (bel) phun an si. Upat hmaizah awktlak an si bangin, a hmaan mi thil, dinnak (Bible) zong a thei i a hngal mi hna kha hi um he aa khahchunh hna.

Bible thiang chung i mihrut phunli

Phungthlukbia chungah mihrut phunli kha a langhter. Phut 30:11-14 chungah a um.

An pale kha chiat a serh i an nule kha a thangtthat lo mi, anmah an i hmuhnak ahcun a thiang i an fihnunnak athianh ttung lo mi, a ttha tuk hringhran ah aa ruat mi, sifak mi kha ttam dihawk ah le chambau mi kha ei dihawk ah a ha vainam a si i a khabe ah kawngthun aa bunh mi minung phun” hi an um.

Tlawmpal te kan fianter ahcun pakhatnak phun hi nu le pa lawmhnak a theithiam lo mi an si. A pa kha chiat a serh i a nu kha upat thang`hat awk a hngal lo mi an si. “Na nu le na pa upat hna” a ti mi nawlbia a buartu an si. Nu le pa chimhhrinnak kha a ngai lo mi hna cu palhnak lam zulh a fawi mi an si.

Phunhnihnak cu mah pumpak kha sualnak ka tuah lo, tiah aa ruat mi an si. Sualthlahnak tuah a herh lo. Sualnak ka tuah `unglo a ti mi hna an si. Cubantuk minung hna nih cun Bawipa thlacamnak le Nu Mary sin thlacamnak hi an cam awk a si ti lo. Zeicah kan ti ahcun kan sualnak kan ngaihthiam ve tuah;- thla kan campiak tuah ti mi biafang hna aa tel caah a si.

“Pathumnak phunkhat cu ruamkai in aa uah mi pawl an si. Aa porhlawt thiam mi minung an si caah lukun a thiam lo mi an si. Ahohmanh zei ah ka rel hna lo a ti mi phun an si.”

Palinak phun cu misifak hna kha an eihmuar dingah vainam a ngei mi, thi dop dingah ha a ngeimi hna, an si i a hleice in minung zuarthlai mi hna an si. A miak tampi lakin a miak a ei mi hna zong hi bantuk minung phun hi an si ve.

Hi minung phunli hna hi mihrut cazin ah a lut mi an si, tiah Bible nih a chim mi cu an si. Cu hna cu nu le pa upat lo mi, chiattha thleidannak lungthin a thi mi, ruamkai mi hna le misifak hna thi a dop mi” an si. Atu ka chimcia mi minung phunli hi Bible cahlun chungin a si i Bible cathar (Biakam thar) i Jesuh Khrih nih a chim mi kan zoh tuah lai.

Add new comment

10 + 7 =