Upa hna upatpek cu a palh Maw?

Kanhnu i apeh>>> 

Cunglei i Bible hna ningin Catholic pawl cu an Bishop, Siangbawi, Sister te, an chuah ni le an puai ni le hna ah hla in conglawmhnak, nu le pa hna upat peknak phun kha July thla (26) Mithiang Jaochim le mithiang Anna puai ni ah, “ Bishop, Siangbawi te, Sister te le nu le pa pawl kha hmaiah an `thutter hna i umtu ningcang phunphun in upat peknak, biaknak phun tuahnak in bawmtu hna an si tiin conglawmhnak puai an tuah tawn. Cuti tuah cu cunglei i Bible chung ning bangin an nih kha Pathian an si tiin khukbil lukhun in kan biakmi a si lo ti an theih cio. Catholic ka soisel hna lai na ti ahcun Pathian silo vanmi hmanh kha Abraham le Lot nih khukbil lukhun in an donmi kha sual na phawt hmasa a hau. Bible chungah cun pakhat le pakhat, cun vanmi hna zong kha zeicah lukhun in khuk nan i bil piak tiah Pathian nih a ti hna lo, ahohmanh sual a rak phaw hna lo.

Cun, mi sawhsawh nih lukhun khukbil in upat pek a ingmi profet Isaiah kha sualphaw hmasa uh. Pathian nih anih kha sual a rak phaw lo. Cu lengah Abraham kha thluachuahnak a rak pek, Lot innchungkhar kha a rak khamh hna, Profet Elijah kha a nung tein vancung ah phuchim tom he an rak cawi a si lo mei? Sawl Siangpahrang hmanh nih profet Isaiah kha lukhun khukbil buin a bawk i a rak biak. Cuticun profet Nathan nih David Siangpahrang kha lukhun khukbil in upatnak a rak pek. Aho paoh, zeithil paoh a hmai ah khukbil paoh ah nawlbia a buar kan ti hna ah cun thih dantatnak ca i a ral hna hmaiah a khuk aa bilmi pawl tah Pathian duh lomi nawlbia an buar maw? Umtu ningcang in Pathian le minung le minung upat i pek mi, khukbil mi, lukhun mi aa khat ko nain Pathian sin lukhun khukbil tikah kan thinlung ah Bawipa kan biak tiah a um i minung sinah lukhun in khuk kan bil tikah cu mipa kha upatnak ka pek tiin kan  lungchung ah a cam. Aho paoh upat awktlak mi kha upatnak kan pekmi cu Bawipa duhmi a si. RC Bishop hna, Siangbawi hna, Sister hna le nu le pa hna kha khukbil in upat pek cu upat awktlak thilti khawhnak, umtu ziaza zohchunh awktlak a ngei i a dingmi dawt zawnruahnak a ngeimi an si caah a si. 

Kan hawi Khrihfa hna bia bangin Bible i aa telmi lawng ka zulh lai. Bible lawnglawng tiah kan au ahcun cunglei i Bible hna kha nan hmu lo maw? Catholic pawl nih an tuahmi paoh hi sullam a ngei dih. Pathian huham `thawnnak a langhter mi lawngte an si. Bawipa huham `thawnnak a langhter lomi thil pakhat hmanh an tuah lo. Aho mi hmanh nih kan soisel ko hna seh, kannih RC pawl nih a `thami upat peknak hna upa sin kan tuahmi cu Abraham le Lot, Elijah bantuk thluachuah phun kan tinco lo hmanh ah kan nunchung Pathian nih thluachuah a kan toih zungzal ko ti cohlang usih. Kan lungthin dihlak le kan pumsa in tuah peng usih. Hi Bible caang hna kan theih cang va si kaw kan hawi hna nih tah zeicah an Pastor te, an Khrihfa haotu te, an nu le pa hna kha lukhun khukbil in upat an pek hna lo, hal ka duh. Ngaite tiah cun Bible ah Pathian vel thluachuah a co mi Abraham, David Siangpahrang, profet Nathan, profet Elijah, Elishau le Lot hna hmanh nih lukhun bawh buin upat pek nak kha an rak tuah ko ti kha Bible nih tehte a khaan.

Bia 19:9-10 ah Vancung mi kha Johan nih biak dingin a kehram ah a bawh lio ahkhan vancung mi nih a rak duh lomi cu, Pathian bantuk in biak a duh sual ruangah a si caah “Pathian tu kha bia tuah,” tiah vancung mi nih a ti kha kan hmuh. Bia 22:8 ah vancung mi bia kha a theih tikah, “Hi thil vialte a ka hmuhsak tu vancung mi kehram ahcun ka bawk i biak ka zalh. Sihmanhsehlaw a ka thawh i, ‘Tuah hlah’ keimah zong nangmah bantuk in sal ka si ve ko,” tiah a ti `than. Hi ahhin Johan nih vancung mi kha upat pek duhnak lungthin he a bawkmi a si lo kha le vancung mi kha Pathian a si ti ruah tiin biak a duhning he a bawh tikah vancung mi nih a thlauh kha a si. Johan thin-lung muru kha a theihcolh caah a si. Kapkhat lei in cun vancung mi le minung hna kha Pathian ai in biaksual lo ding kha a biapi mi a si.