Kokek Pawngkam

Pawngkam

5. Mi thianghlim Pope John Paul II cu kokek pawngkam maan cikcek in a rawhdihnak ruangah a thin a rak phang chinchin. amah nih hmasabik a rak chuahmi cathluan (Mi khamtu- Redeemer of men) ah minung hna cu a caancaan tibantukin mah i kokek pawngkam cu mi hna i tulio `thathemnak ca lawng san a tlai i, adang zeiahhmanh san a tlai lo, tiah an ruah i an sawksam cio bantukin asinak kong kha ruah awk ngai asi.
    Cucaah a hnuzultu a va siah cun Pope kan pa cu kokek pawngkam cungah ruahnak kha thlen a hau tiah a rak chim. Cu caante ahcun miung leikap he pehtlaimi, adikmi pawngkam zohkhenhnak a chuahnak hnga minung  nih tuah `tuanmi ran hna kha zohkhenh piaknak caah `tuanmi rian hna cu a tlawmtuk hringhran tiah a langhter. Minung pawngkam a rawhnak cu abiapituk in chiah dingmi thil asi. Zeicah kan tiah cun Pathian nih mipa, minu hna kha hi vawlei zohkhenh dingin `tuanvo a rak pek hna hleiah, minung hna i nunn nigcang cu thil sining `hatlona ahunphun in khamh zohkhenh dingmi laksawng ngsi. Kokek pawngkam kha khamh zohkhenh kilvennakk le si ningcang `thanchonak caah th rian`tuannak ah minung `thutdir khuasak tintuh, zuar dingin chuhter mi thil chuahnak, hmannak nincang le ram uknak aana upad hna zon ha tampi tlenrak hau te lai.
    Minung hna i kenkip `thanchonak ah nunning ziaza leikap kha philh awk an `tha lailo. Mi hna a `thanchonak he pehtlaimi riankip ah minung huham kha tlin cikcek in upat a herh i, kan pwngkam i vawleipi zong kharuachih ahau ve hnuah thilnung paoh kokek an nunning kong, ningcang tein sermi hi vawlei cungah pakhat le pakhat pehtlai tein pehtlaihnak hna zong ruahchih dingasi ve.
    Vawlei umtuning thlen duhnak in minung nih tuah rian`tuannak hna cu Pathian cu vawlei cung i a ummi thil zeizong vialte kha mi vialte ca i laksawng ah a kan pekmi tinhnak he aa khat awk asi.

6. Kannih hlandeuh ah Catholic Bupi kha a rak uktu, Pope Benedict XVI kan bawipa nih ruahnak a rak chuahmi cu palhmi phung `thatlo cungah hram a bunhmi phungning lomi `thanchonak phung zapi kha hlonhdih i, kokek pawngkam sining a`thatnak kha upatnak aamahkhan a pek khawh lomi kha a theihmi sipuazi `thanchonak pungsan hna zong kha remh le fehter a herh. Pope nih a langhter mi cu vawleipi kong `thencheu dih in cekhlatnak ah zohnak kikhat lawngin biachah awk asilo. Kokek vawlei cu `thencheu dih cikcek khawh asilo i pakhatte lawngin aa funtom mi asicaah, cu ahcun kk pawngkam, a nungmi  in umnak, nu/pa he pehtlaimi, innchungkhar he pehtlaimi, zatlang nunphung he pehtlaimi tiin a dal dihlak aa tel. Cucaah a hnuzul ah kokek pawngkam rawhralnak cu minung le thilnung vialte hmunkhat tein daitein kutsih um`inak caah muisam a cuanter mi zatlang nunphung he zong naih tein pehtlaihnak a ngei (Benedict 16).
    Pope Benedict kan bawipa sung nih minung nih `tuanvo tlolh in tuah rian`tuannak ruangah kokek pawngkam cu tampi hliam in a rawk timi kha fehter dingin a rak hal. Minung i zatlang nunphung lei pawngkam thil sining hna zong an rawk. Hi rawhnak a phunhnih ningtein i hrawm in biangeitu (sualtuahtu) cu a chiahru ngaimi phung (upadi) pakhatte ruangah asi. Cucu tuchan mi hna nih tuahsernak hna lamhmuhsaktu, mikip nih el khawh lomi (Pathian pekmi) ahmaan mi a um ti kha cohlan duhlonak le mi hna pumpak zalonnak kha zohkhenh uktu ngeilo, rikhiahnak umlo in an thang`that cionak ruangah asi. Minung cu mah caah tiin mah nih sermi zalonnak pakhatte lawng kha biapi ah chiah awk asilonak kong an philh tawn. Minung kan takpum hi kanmah nih kan i sermi asilo. Minung ah nunnak thlarau le thinlung a um bantukin minung kokek zong kha a ngeimi kan si.
    Pope kan bawipa sung nih Pa pakhat lung retheihnak ruangah Pathian sermi hi vawlei nih a tonmi `tihnung ral hna kha kannih nih theih`than awk ah hitin a rak forhfial. “Vawlei i van (vanchiat. `thatnak) kha kannih pumpak nih teithlaktu kan si i zeizongte hi kanmah ukmi thil an si hna i, kannih dihlak cu zeizongte kha kan ca `thathnemnak lawngah kan hman. Kannih cu minung nakin a sangdeuh mi (Pathian) a um timi kha fehter duhlo in, mah pum hlei in zei thildang hmanh kan hmuh khawh lo caan thawkin Pathian nih a sermi thilnung vialte hna kha hmanpalhnak tuah hram kan rak thawk”.

Add new comment

9 + 4 =