Zaangfah Nawlnak

Pawngkam

15. Bupi i zatlang nunphung he pehtlaih mi cawnpiaknak cathluan hna komh ah, hi cathluan hi betchih `hannak thawngin, kannih kan tonlio mi abiapi in a kan halmi zuamcawhnak hna le fianternak caah halnak hna kha theih fiannak caah tampi a bawmhchanh lai tiah ka ruahchan.

Kokek pawngkam he pehtlai mi tuchan ahhin mi nih kan ton cuahmah mi hi harnak hna kha teikpan (science) lei thiamsang hna nih cekhlatnak an tuah hnu i an hmuhmi cungah hrambunh in hmuhnak tlawmpalte lawng kha langhter ka duh. Hibantuk langhternak thawngin cuhna cu kannih kha hi harnak kha thukpi in a kan theihhngalh ter i pehzulh in tuah dingmi  biaknak lei Thlarau he pehtlai mi, nunning ziaza he pehtlai mi mithmuh kuttongh tuahmi a hram hna kha a hngalhter te lai. Keimah cu kokek zohkhenh khamhnak he pehtlaimi rian`tuannak hi ningkel ningin tuahnak hna he aa tlak dingin Judah mi hna le Khrihfa hna cawnpiaknak hna kha hrambunh in a hran upadi cheukhat kong kha zohchih ruatter kan duh hna.

Cuhnu ah tulio thil sining hna caah a hrampi hna kawl in hmuhkhawhnak caah zuamnak in harnak caah zawtnak hrihram hmelchunhnak lawng kha kawlmi sihin loin cutin asinak a thukmi konglam hrampi hna zong kha hmuh asilai. Cutin rian`tuannak cu kokek pawngkam he pehtlaimi harnak kha fianternak ah vawlei cungah hin minung hna i a hleice i telnak dal le minung le pawngkam pethlaihnak kha upatmi fianternak kha a chuahter te lai.

Hi ruahchihnak in a chuakmi theipar ruangah mikip nih an i tel i vawleicung ram hna he pehtlaimi upadi hna chiah-sernak cungah `thathnemnak a chuahter ding mi ceihmai khuakhannak le rian`uannak ah hmainor termi ruahchannak kawltung hna le fimchimh program hna tello in tuahkhawh asi lai lonak kong ka theihfian caah minung `thanchonak caah aherh mi lam hmuhsaknak cheukhat kha Khrihfa hna i biaknak lei hmuhtonnak mansung lungvar kuang kha hrambunh in chim ka duh.

16. Hi cathluan a dalkip in konglam pakhat cio caah a dangte naih niamhnak kha ka langhter ko nain catluan hramthawk leiah langhter cang mi abiapi biahalnak cheukhat zong ruah`than le cekhlat `thannak tuahnak zong ka hmuh lai. 

Cathluan rellio ah pehzulh in hmuh hngami kong hna ah cunglei i langhter mi biatlang komh hna kha a caancaan ah kan hmuh lai. Bianaah kan chim ahcun sifah harnak piahtana le kokek pawngkam ruahfawi mi sining hna a chung taktak in pehtlaihnak a umnak vawleicung um thilnung paoh cu khat le khat pehtlai tein aa pehtlaihnak kong phungthar muisam thar hna le aana ngeihnak a phunphun kong soisel a congoih mi hna cu thiamnak le `thanchonak dal in minung hna an si.

Sipuazi le `thanchonak kong theihhngalh dingah lamdang kawl a herhnak kong, zuamcawhnak, a nungmi pakhat cio kha man ngeihternak, kokek pawngkam zohkhenh kilvennak kong kha minung he pehtlaihin sullam kawlnak, a fiang i dinfel fianghlang mi ceihmai khuakhaannak hna a herhnak, hmun le vawleicung ram hna he pehtlaiin phung a sermi hna cungah a nganmi `uanvo a umnak, hlawtnak, cawnpiaknak kha a tuahmi hna tuah ningkel le zatlang nunning thar caah ruahnak `tha chuahpinak hna kong hmuhsaknak hna kha a caancaan ah hmuhkhawh asilai. Hi biahalnak hna caah a sullam kawlnak kha voikhatte ah zalakin langhternak silo in, hmuhnak a phunphun in langhternak, a tlingdeuh a rumdeuh mi in langhternak hna kha atu le atu kan hmuh lai.
 

Add new comment

2 + 5 =