Kokek Pawngkam biahmai`thi

MAH HE AA PEHTLAI LO TIN LUNGPUT NGEIH AWK ASILO

3. A luancia kum (50) lonh (1962 kum ah khan, America ram, Russia le Cuba hnahnawhnak ruangah) vawleipi hi nuclear raldohnak a chuak deng mi `tihnung ral he a rak tonlio ah mi thianghlim Pope John-23nak nih a rak thanhmi ‘vawlei cungah diahnak umko seh’ (Peace on Earth) timi cathluan ah raltuknak a hnon i daihnak caah remnak tuahnak hna kha a langhter.

Pope John (23) nak nih cu cathluan in vawlei pumpi um Catholci Khrihfa vialte ca lawng silo in, lungthin `tha a ngeimi miphun vialte, biaknak kip in nu,pa minung dihlak caah ruahchanh in cathluan a `tialmi kha asi.

Atulio caan ahcun vawlei cung pumpi kokek pawngkam thil sining hna rawhralnak kha zapi nih kan tonlio ah Nica, van le vawlei dihlak in vawlei pumpi cungah i dor in a ummi pakhat cio caah ruahchan in hi cathluan in ralring peknak bia a chimmi asi.

Keimah ka rak chuahmi Thawng`thabia in kan hmuhmi lunglawmh nunnuamhnak (The Joy of the Gospel) cathlaun (2012) ah biaknak lei rian`tuannak hna kha zohfel `than i chanthar chankhat caah a `thami ningcang hna in biaknak lei rian`tuannak hna kha `tuanchuah cio dingin Krihfa Bupi hmun in Khrihfa chungtel dihlak kha kan forhfial hna. Hi cathluan tu ahcun kannih vialte i hrawmmi inn asim vawleipi nih a tonlio mi thil sining le pehtlaih in iphun kip,biaknak kip in minung vilte he ceihkhang khauakhang i duh ruangah ka `tial mi asi.

4. 1971 kum ah (rian`tuannak hmun i aherh lomi thil umtuning hna kha remh dingin halnak, Pope Leo nih a rak chuahmi cathluan kum (8) a tlin tikah asungmi (Blessed) Pope Paul VI cu minung pawngkam rawhralnak kong a thin a phang i minung nih kilvennak umlo kokek pawngkam cung i tuahtonak hna ruangah a chiahrutuk mi a hnuzulh `thathnem lonak hna he a ton khawhmi asi kha hitin a rak chim.

Mihna cu kokek vawlei chungchuak thilri hna kha a palhmi tinhnak hna in mah ca `thathnemnak caah a miak lak ding menmen in an i ruahchan i, soksam in an hrawkcio caah kokek pawngkam a rawk i mi zate cu a hnuzulh a rawkmi kokek pawngkam umtuning ral nih tlaih i hrem mi bantuk asi kho mi `tihnung ral he an i ton (Pope Paul VI).

Cun Pope Paul VI cu UNO in (Edin lei le thlaicinnak rian- Food and Agriculture Organization of United Nation) he pehtlaih mi phu i meeting pakhat i (cu heahat mi biafang kha arak hmang i) bia a chimnak ah seh lei rian`uannak hna hrambunh i zatlang nunning zulhpuhug upadi ruangah a chak kho mi koke pawngkam hliam in a rawk kho mi `hning ral he a ton awk asi i minung nih an `tuan an tuahmi hna ah a hram in rianrang te thlennak a herh tiah biapi ah chiah in ralrin peknak a rak chim. Science he pehtlaimi chan he tlaak`han karhchonak thiehhngalh fimnak, thiamnak, zatlang nunphung he pehtlaimi nunning ziaza he pehtlaimi, peng le ram hna zongah `hanchonak hna he khahchunh in `hanchonak a um lo ahcun, cuhna cu minung kha aralchanh i nikhatkhat ahcun minug kha harnak a pek khawh (Pope Paul VI).