Pawngkam kong Biahmai`thi

Vawlei

VAWLEI HI HRING LE HNING IN A UMLAI VAWLEI LE KOKEK PAWNGKAM ZOHKHENHNAK HE PEHTLAI IN POPE FRANCIS CHUAHMI CATHLUAN

2015, May thla ni 24

Biahmai`hi

1. kan Bawipa asimi Bawipa Pathian min kha thang`that siko seh (Praise to you my Lord) timi aa dawh `tihzah asimi hla in kannih vialte hmunkhat in kan umnak hrawmmi inn asimi vawlei hi kannih he hmunkhat tein a um`ti mi kan far he aa lawh bantukin kannih kha a kut in a kan cawi mi kan dawtmi kan nu he aa lawhnak kong kha Asissi khuami St. Francis nih kan sinah ralring a kan pek.

Kannih kha a nung in kan um khawhnak hnga a kan bawmhchanh i a kan uk hnu ah kan herhmi ei awk thlai rawl phunphun, aa dawhmi muici phuntling pangpar hna le si-ai caah a`tha mi thingkung phunphun a khohter mi kan far le kan nu vawlei thawngin kan bawipa asimi Pathian a min kha thang`that siko seh (St. Francis i nunnak ngei dihlak thang`thatnak hla).

2. Pathian cu vawlei kha a `tamhmawih piakmi a`tha aa dawhmi hna kha kannih `tuanvo hngalh loin kan hmaan palhnak hna ruangah a chuakmi `tihnung ral hna mah nu (vawleipi) cungah tlakter ruangah cu kan farhniang cu kan sinah aihram in a `tap. Kannih cu kan um kha mah nu cungah kan duhpaoh in kan tuah kan sersat i teithlak ngaiin hrawhnak nawl a ngeimi bawi hna bantuk kan i ruah in mah nu cungah kan tuahto men ko.

Sualhram dantatnak ruangah kan hmuhmi dantatnak hma hna ruangah minung thinlung ah a hungchuak mi `thihphaih duhnak lungthin cu vawlei nawn rawhnak, dinti, thlitu le a nungmi thilnung phuntling nih an tawnlio mi rawhnak hna ah zawtnak hmelchunhnak in an lang.

Cucaah vawleipi cu a teikhawh lomi phulritpi kha a phorh i, hrawhnak hna kha a in caah, mah nu cu tambik hlawt a ing i sersatnak a inglio mi hna sifak harsa mi hna chungah a tlak kha mah nu nih a thin a hung. Kannih pumpak hrimhrim hi leidip in ser kan si i (Gen. 2:7) kan takpum cu vawlei cung i chemical thilri hna in ser kan si hnu ah vawlei cung i thli kha kan dop i kan nung kan umcio i, vawlei in a ra chuakmi tiin thianghlim hring `hawnnak kan hmuhmi kha kan philh tawn.

#Kan peh`than lai >>>

Add new comment

14 + 3 =