REMHDUHNAK I TUAHMI THIL A LOMI `THANCHONAK HNA

REMHDUHNAK I TUAHMI THIL A LOMI `THANCHONAK HNA
    Ram cheukhat hna ah kokek pawngkam umtu ningcang `thanchonak caah remhduhnak tuahmi thil bantuk a lomi rian`tuannak hna kan hmuh. Kumhrabu tampi lio in a thurhnawmmi tiva hna kha thianternak an rak tuahcang. Hmun he pehtlaimi tupi hna ah thing ramkung hna cu hring dildel in an hninghno hna. Kokek pawngkam an hninghno `thanlainak caah rian`uannak hna ruangah khuacuanhnak a `thatnak hmun hna cu an rak i dawh `than. Thurhnawmnak in a thiangmi kokek thazaang hna chuahternak zongah `thanchonak a rak um i, lamsul lei pehtlaihnak, phawrhkuatnak lei zongah `thanchonak a ummi kha kan hmuh khawh.
    Hibantuk teinak hna cu vawlei cung ramkip tahnak in a canglio mi piahtana kha a fianternak ah asi kho rihlo. Sihmanhsehlaw hi zohchunh awk tlak hna kha kan zoh tikah minung hna cu kokek pawngkam zohkhenh khamhnak caah remh duhnak i tuahmi thil bantuk a lomi rian`tuannak hna kha tuahpiak khawhnak thazaang a ngeih kha tehte an si.
    Pa Pathian cu minung hna dawt thiamnak thinlung a kan pek caah, mi hna i thil tikhawhnak cu tahnak pakhat lianglawng a tikhawh nain minung pakhat le pakhat cungah siannak, aakhat mi minung sinak, khat le khat ralring tein i komh a herhnak hna cu asilo awk `thalo thinlung chung in a chuak ding hrimhrim mi asi.