Vawlei i cuap he tahchunh mi

Vawlei pumpi i a cuap he aalo mi thlanglei America i Amazon nelrawn le Africa i Gongo nelrawn

37.    Ram cheukhat hna ahcun lei saram, ti saram hna caah nga tlaihhla u, ramvaih hlah u timi minung hna `tihnung ral in khapnak chimmi hmun hna kha upadi ah sernak in thil umtuning hleikhunternak, nemter deuhnak hna a chuahter.

Saram phuntling khamh zohkhenh rian`tuannak ah saram phuntling an umnak hmun hna, cimit ding `tihnung ral a tonglio mi, ahar mi saram hna, khamh zohkhenhnak tlawmte lawng a ingmi saram hna kha papekin zohfel ahaunak kong kha thiamsang hna nih biapi ah chiah in ruahnak an chuahpi.

Cheukhat hmun hna cu pawngkam kokek kilvennak caah abiapituk in siseh, abiapi mi tihram hna an hmuh i khonnak hmun hna asinak le nunnak ngei saram phungtling kha zohkhenh kilveng awk aherhnak hna ruangah cuhmun hna zohkhenh kilven awk ah papekin rian`tuan asi lai.

38. Tahchunhnak kan chim ahcun vawlei cungah saram a phun tampi an umnak hmun hna cu vawlei pumpi i a cuap he aalo mi thlanglei America i Amazon tivapi nelrawn hmun le Africa i Gongo nelrawn hmun, dinti tampi a chuahnak hmun hna le tikhal tlang hna an si. Hibantuk hmun hna cu vawleicung ramkip le hmailei chan ci pehthar minung hna caah zeitlukin dah abiapit asi kha kannih nih kan theih. 

A linhnak hmun tupi hna an umnak hmun in kokek pawngkam thil umtu ningcang ruangah hi tupi hna bochanh in a ummi cawn le zoh ah a dihkho lomi saram phuntling hna kha kan hmuh hna. Sihmanhsehlaw cu tupi hna kha cinthlaknak lei rian`tuannak caah an hau i meikhangnak, vawlei nalhnak hna ruangah kum thlawmpalte chungah saram phuntling hna cu an cimit an lohtlau i, cuhmun hna zong cu cinthlak rian`uan awk `halo a rocar mi thetse rawn bantukin vawlei hrim ah an cangdih.

Hi hmun hna kong ruahin soiselnak etik (ethic) ah ningcangte le buaktlak tein kan chim ahau lai. Kannih cu hi hmun zohkhenh khawhnak kha hmuhsak i vawlei pumpi tahnak in ropuingai in tuah cuahmah mi `thanchonak zong kha zorter in tuak awk an `thalo bantukin ram pakhat cio nawlngeihnak hna zong kha upat in kan tlangtlak hna lai.

Ngaite ahcun Amazon hmun cu ramkip fonh aatelmi coporation bu hna i `thanchonak lawng kha `hathnemnak a pek caah cucu ramkip tlaikhipnak tangah chiahding in biatlang chuahpinak hna an chim cio.

Ramkip phu hna le ram pakhat cio in a phu hna cu hi harnak he pehtlaiin mitampi nih thil an theih venak hnga `thanghnak prokarem hna an tuahpiak i thil umtu ningcang cungah soisel tuahtannak hna tuah buin cu harnak kha fianter awk ah fektein kutsih bawmhchanh rian`tuannak hna kha kannih leikap nih kan fehter lai i thang`that conglawmh awk kan philh lailo.

Cu phu hna cu pehtlaihmi ram hna cungah aherh mi thazaang pek buin, cu ram hna in pawngkam zohkhenh kilvennak le kokek vawlei chungchuak thilri hna kha zohkhenh kilvennak hna caah `uanpiak hrimhrim dingmi `tuanvo hna caah khua uktu hna le ramkip phu hna i `thathnemnak amiak kha zohchih in lungdong loin rian`tuan piak awk an si.

39.     A rawhbak rihlo mi kokek tupi hna hmunhma ah cinthlak le dum nganpi hna an tuah i, thingkung phunkhat lawngte cinnak hna in airawlhnak hna kha hlankan `thatein kawl le cekhlatnak tuah hnuah cinmi a tlawmngai. Tupi dihlak kha thingkung, pangpar kung hna phuntling cinmi nakcha in thingkung phunkhatte lawng cinnak cu nunnak ngei saram hna nunnak caah a bawmhchanh kho lailo.

Cuve bangin a daammi vawlei hrin hna kha cinthlak rian`tuannakin eiawk rawl a chuahter khomi vawlei ah thlen in hmantik zongah hlan a rak ummi nunnak ngei saram phun tampi hna kha thihter in a sunghter khawh. Tiva thlang cheukhat hna zongah kokek pawngkam a ningcang ter mi nawncek hna ah a kheo mi kung hna a lohtlaunak hna zong thinphan awk ngaingai asi.