Lamkaltu Johan

Saint John the Apostles
Lamkaltu Johan

 

ST. JOHN; LAMKALTU (+101)

(JESUH ZULTU, THAWNG`THA `TIALTU)

            Bawipa Jesuh nih a dawtmi zultu (Thawng`thabia `tialtu) St. John the Evangelist cu Zebede fapa St. James the Great nau a si. Galilee rili ah an unau pahnih an pa he tilawng chungah sur an thlop lio kha Jesuh nih a hmuh hna i a auh hna. Mah hna unau zong nih, “a pa le Sur kha an kaltak i Jesuh hnu an zulh colh” (Mt; 4:22). Jesuh nih anmah pahnih kha “Khuarifa” (Son of Thunder) ti sullam in Boagergers tiah minthar a sak hna. Jn.13:27 ah Johan cu zultu vialte lakah a hmebik a si i amah hrimhrim nih “Jesuh dawtmi” tiin a rak `tial. Jesuh Khrih muihmel thlenlio ah a um vemi a si i hmahnungbik zanriah dum lioah Bawipa, nangmah an zuartu ding pa cu aho hi dah kan si?” tiah Jesuh `tang hngatin a rak hal mi pa kha a si. Jesuh Vailam an tah lio zong zultu vialte hna lakah amah pakhat lawng vailam tung hramah a rak um i sunglawi bawibik `tuanvo a simi Pathian Nu kha zohkhenh dingah Bawi Jesuh nih `tuanvo peknak a hmuh. Tuanbia ningin nungak thiang Mary Vancung an cawinak kong kha a dirkamh i AD 49 kum, Ephesus khua ah a rak um. Cu hnuah Biathlam a rak `tialnak the Island of Patmos tikulh leiah ram chungin `thawlnak a in. Cu tikulh ah kum tlawmpal a rauh hnuah Ephesus khua ah a rak kir i Pathian he pehtlaimi sullam fianternak phungchimnak cauk 3 a rak `tial. “Pathian cu dawtnak asi” (1Jn; 4:7) A Bible `thabik a simi Biaknak lei phungkong (asiloah) lunglawmh awk thawng`tha zong Ephesus khua ah a rak `tialmi a si.

            A kum a upa tikah a tuurun (Khrihfa hna) hna kha Johan nih, “Ka dawt kafa le hna, pakhat le pakhat i daw u” timi biathiang (Bible) lawng kha atu le atu a chimh tawn hna. Annih zongnih zeicahdah hi Bible lawng hi atu le atu na kan chimh? tiah an hal tikah “Zeica’h kan ti ahcun, hi biafang cu Pathian Bible biathiang asi ca’h asi; nannih zong hitluk tal cu nan tuah awk asi. Hi bangin nan tuah ahcun nan caah a zako cang” ti in a rak leh hna. St. John cu 101 kum Ephesus khua ah a rak thi.

Add new comment

4 + 1 =