VANCUNGMI THAWNGTHANHNAK

March, 25
VANCUNGMI GABRIEL NIH BAWINU MARY SINAHTHAWNGTHANHNAK
Mary antimi nungak thiang sinah thawngthanh dingah Pathian nih kilvengtu Vanbawi Gabriel kha Nazareth i Galilee khua ah arak thlah. Cu nungakthiang Mary cu David hrinsor asimi Joseph he aa hammi asi. Vanbawi cu Mary sinah ara i “Veel he akhat mi nu, na cungah thluachuah um ko seh; Pathian cu nangmah he aum,” tiah ati. Mary nih cu bia a theih tikah a awlok achong i cu bia cu zeibantuk biakchawnhnak dah a si hnga, tiah a ruat. Vancungmi nihcun, “Mary, `ih hlah, Pathian lung na ton; nau na pawi lai i fapa na hrin lai. Amin ah Jesuh tiah na sak lai. Cungnungbik Pathian Fapa tiah an ti te lai. Bawipa Pathian nih apa David `hutdan kha apek lai.
Jacob tefa kha zungzal in auk hna lai i, apennak cu a dongti lai lo,” tiah ati.
Asinain Mary nih Vanmi sinah, “Cuthil cu zeitindah asi khawh lai, pa ka hngalh`ung lo,” tiah a leh. Vanmi nih cun, Thiang Thlarau na sinah aphan lai i Cungnungbik thilti khawhnak nih an khuh lai. Cu ruangah a Thiangmi fa a chuak hngami cu Pathian Fapa ti asi lai. Ngaihmanh, na rualchan, Elizabeth zong a tar hnuah nau apawi, a cing an timi kha atu hi thlaruknak asi cang; zeica’htiah Pathian caah asi kholomi zeihmanh aum lo,” tiah a ti tikah, Mary nih, “Keimah cu, Bawipa Salnu kasi, Na bia bangin si koseh,” tiah ati i Vanmi nih an kal tak.