Shrilinka i Catholic Sister pakhat

Shrilinka in Catholic Sister pakhat nih  rampi i upat peknak laksawng a hmuh

Shrilinka ram i Carmelite Catholic Sister pakhat nih 2022 kum caah rampi i upat peknak laksawng a hmuh.

Cu Sister i a min cu Mary Angelika asi. Amah cu Carmelite Lamkaltu Sister phu in asi i (2022) kum caah ‘Guru Prathiba Prabha’ upat peknak laksawng a hmuh.

Hi laksawng hi Shrilinka ram Fimthiamnak lei Minister zung nih pekmi ‘Fimthiamnak lei hruaikhawhnak a `habik laksawng’ asi. Hi conglawmhnak cu kumfatin vawlei huap saya/saymah hna ni ah tuah in pek asi tawn. Hi laksawng pekmi i aa timhmi cu ramchung ah aa tlakmi fimthiamnak lei `hanchonak caah zuamngai in a cawnpiak duhmi hna pekmi laksawng asi.

Hi conglawmhnak ah ramchung i peng pakua in Sianginn uktu (45) le Saya/saymah (90) an i tel. Hi sianginn uktu (45) chung in Catholic sianguktu (4) an i tel ve. Cuhna cu Bro. C vijayathasani , chaklei peng in Sr. Mary Angelika, nichuah lei peng in Sr. Sriyapushpam AC, nitlaklei peng in Sr. Nilanka Lancer HF hna an si.

Sr. Angelika cu fimthiamnak lei ah kum (22) tiang rian `uanmi a si i sayamah in hram aa thok. Ahnu ahcun bawmtu sainginn uk nunnak in atu ahcun sianginn uktupi ah `uanvo a lak liopi asi i kum (7) a tling cang.

Hi sianginn cu Shrilinka i Tamil holh in cawnpiak mi a dot khatnak sianginn asi.

An sianginn ah saya/sayamah (40) le siangngakchia (1000) an um i Tamil holh in fiamthiamnak lei ah a thiamngai mi siangnakchia pawl a chuahter mi sianginn pakhat zong asi.

Hi sianginn a zohkhenhtu hna cu Lamkaltu rian`uan mi Carmelite Sister phu an si. Hi sianginn nih siangngakchia pawl i nuncan ziaza le a`hami fimthiamnak kha abiapi in an chiah.

atu bantukin laksawng a ngahmi cu Covid_19 tlangrai kum (3) chungah rampi i fimthiamnak lei Department i lam hmuhsaknak bantukin asungpeklo teimak tein siang saya/sayamah pawl sihna seh, siangngakchia pawl i nulepa sihnaseh, lamhmuhsak in rian an `uan caah asi.

Amah i  kawhauhnak he pehtlaiin i nuamh i, nuncan ziaza a `hami, Pathian a dawtmi, midang hna dawt in ramchung mi`ha hna chuahter ding asi i, hibantuk in ruahnak `ha a petu cu Albert Schweitzer asinak kong kha amah nih ‘Teinak cu nuamhnak i tawhfung asilo, nuamhnak lawng hi teinak i tawhfung asi, na tuahmi thil cu na duh aisahcun nangmah cu teinak na hmuhlai’ tiah Sister nih a chim.

https://bit.ly/3UW64cT