Mithiang Elizabeth (Portugal)

Aragan Siangpahrang fanu a si mi mithiang nu Elizabeth cu Spain ram Saragossa khua ah a chuak. Kum 12 a ti ah Potugal Siangpahrang Dineese he leh a ni thah i fapa Alfonso le Constance an hrin. Amah i lung donglo le lungsau tein thla a cam nak thawngin sualnak chung lawngin a buar mi a vapa cu a zia aa thleng.

 Amah nu cu thilthuam aa hruk aih ah hin rumra a ngei i zoh aa rem ngai. Bia a chim zongah a thinlung aa niamter i mi sifak zawn zong a ruat kho ngai hlei ah a zaangfah hna. Pathian biak khualtlawng mi hna caah umnak a tawlrel piak hna, ramchung um nu sifak pawl caah chungkhar thilri hmuh khawhnak dingin bawmhnak hna kha a nunzia pakhat a si. Bia alnak tampi kha amah i thil ti khawhnak in a remdaihnak a ser khawh lengmang caah “Daihnak muisam suaitu” ti mi minṭhat nak a hmuh.

 A vapa le amah kha hriamnam tlaih in a dotu Alfonso hna he i remṭhan ding caah a tuahnak cu amah i a nganbik teinak pakhat a si. Elizabeth cu a vapa thih hnu kum 1325 ah St. Francis Third order ah a lut i mithiang Clares i Biakinn (Convent of Poor Clares) ah aa din. Amah cu kum 1326 kum ah Estremoz chungkhar buaibainak remh piak dingah a kal lio lampi ah a thi.(Third order = Biaknak lei phu pakhat he a pehtlai mi bu pakhat tang i a um mi bu hmete pakhat.)