Bupi `thentheknak

BUPI `THEN`THEKNAK
Jesuh a um tilo
41.     Jesuh nih hi vawlei ah hin Bu pakhat lawng um ding in biatak tein thla a cam cf; Jn. 17:11, 20-23) Bu `thennak an tuah tikah, Jesuh a lung a tling ti lo i Thiang Thlarau in zungzal kan umpi hna lai a timi zong a um ti lo (cf; Judas 1:17-19). Hi hi Lamkaltu hna cawnpiaknak a si i Pathian a theimi poah nih cun an zulh i, Pathian a theilo mi nih cun an zul duh lo (cf; 1Jn. 4:6).
Judas 1:19     “Kan Bawipa Jesuh Khrih ai-awhtu hna nih an in cawnpiak mi hna kha i ciinken zungzal u, hi hna pawl hi cu bu `thennak a tuahtu le taksa duhnak nih a hruai mi le Thlarau ngei lo an si”.
Jn. 4:6     “Pathian a theimi paoh nih kan cawnpiaknak an zulh, Pathian a theilo mi nih cun kan bia an ngai lo”.

Jesuh i ralrinpek cianak
42.     “Bu abiapi lo, khoika bu poh ah Jesuh a um i vanram co khawh a si ko an in ti hna ahcun va zum hlah u” tiah Jesuh nih a ti. Khuaruahhar thil an tuah, mizaw an dam ter zong ah va zum hlah u, Jesuh nal  le  prophet nal an si i  Satan rian`uantu hna hmanh nih cu bantuk khuaruahhar thil cu fawi tein an tuah khawh. An in hlen mi hna a si.... A hlan ka in ralrinnak kan pek cang hna tiah a ti (cf; Mt. 24:23-24; 2Kor. 11:14-15).
Mt. 24:23-24     “Cun a hohmanh nih, profet cu hi ka ah a um, khi ka ah a um  in ti ai kun hna, va zum hlah u.” Zeicahtiah nal messiah le nal  profet kha an chuak lai i Pathian thimmi hna hmanh kha asi khawh ahcun hlen khawhnak ding caah hmelchunhnak le  khuaruahhar thil nganngan an ser hna lai. ..A hlankan in hi hi kan chimh chung cang hna.”

Facang rialnak Lungtum
48.     Bu `then`thek pawl cu, mi zumhnak a pialtertu an si caah  Jesuh nih a huattuk hna i facang rialnak lungtum kha an hngong ah awih in ti chung ah pil ter hna awk an si. Vawlei ah rak kai `than ti hna hlah seh tiah a ti (cf; Mt. 18:6-7).
Mt. 18:6-7     “Hi ngakchia tete pakhatkhat hi, Keimah an ka zumhnak in a pialtertu hna cu, an hngawng ah facang rialnak lungtum i thlaih hna seh law, rili chungah paih si hna seh law an caah a `tha deuh hnga.”

Eknak in a huat deuh
49.     Cite bantukin a`tha mi pawl khomhnak bantukin i rualrem tein um uh a timi (cf; Mk. 9:50) duh lo in, bu `thennak a tuahtu pawl cu Jesuh nih eknak in a huat deuh hna i hlonh ding le lamh chih ding men an si  a ti.(cf; Lk. 14:34).
Lk. 14:34    “Cite hi a`tha, sihmanhsehlaw a alnak kha aloh ahcun zeitin hmanh in alter khawh a si ti lo.....hlonh awk le lamh chih awk men a si ko.”