Nawlnak Biacah,

 (Apologia pro a sua, final few words)

Catholic Bupi ah aa ka luh ter mi John Henry Cardinal Newman tial mi ca hi a biapi tuk tiah ka ruah. “Bupi tuanbia chungah thuk pi in pil cu Protestant in puan nak a si” a ti. Hi cacang te nih hin ka nunnak a ka thlen khawh tak ko.

(4 Ibid, page,8)

Newman a chim mi hi a hman tak ko. Bupi tuanbia le Bible ka rel chinchin, Protestant ah um ka duh lonak a zual chinchin. Catholic Bupi hi Jesuh Khrih hrimhrim nih a derh mi Bu a si ti cu a fiang cang ko i, bu dangdang, a hman mi bu kan si aa ti mi poh cu kam lei ah nan i tawn a hau ko cang. Bible ca le Bupi tuanbia nih hin Catholic Bupi cu a hman mi hrimrhim a si ti cu an fian ter cang.

Newman a bia kha khat lei kam in kan vun leh ve a si ahcun, tuanbia rel duh lo cu Protestant sinak a si kan ti khawh. Cu caah cun kanmah Catholic hna nih hin zeiruang ah dah Bupi cawnpiaknak hi kan zumh i khamhnak caah Jesuh nih tuanbia chungin a kan pek mi biatak hi kan zumh ti hi hngalh kan hau. Kanmah le pumpak ca siseh, kan tefa le caah siseh, cun fianter a duh mi midang kan hawile hna zong kanmah kan i ruah channak kong kha chimh than khawh dingin i timhtuah kan hau. (1Peter 3:15). Ral tha in kan nunnak le kan phuannak thawngin, midang nih Jesuh cu kan sin in aa phuan kha an hngalh lai i Catholic Bupi chungah biatak tling ti mi kha an hngal ve lai.

Pathian nih zumhnak lei nan khual tlawnnak ah in um pi hram ko hna seh.

Kan peh than lai...

Salai Van Ding Di