2021 Ulcaan caah Pope Francis tial mi capar chungin lak mi bia

Photo Credit

 

November 11, 2020 ni ah lethmat a thut i February 12, 2021 ni ah chuah mi Pope Francis Ulhcaan biacah cu “Jerusalem ah kan hung kal lai” (Matt 20:18) timi Bible cacang in a hram a thawh.

Hmuitinh mi pathum: Zumhnak, Ruahchannak, Dawtnak hna kha tharchuah than ding ti a si.

Pakhat nak ah: “Zumhnak ti tikah a hmaan mi kha cohlaan thiam ding le cu a hmaan mi kha Pathian hmai le minung hmai ah langhter ding(Tette) a si” tiah a ti.

Pahnih nak ah: “Ruahchannak ti mi cu vancung ram lei hoih in khual kan tlawn lio ah khamh kan si khawh nak hnga ding caah thazang thar a kan pe tu tiput a si” tiah a ti.

Pathumnak ah: “Dawtnak ti mi cu biatak tein minung vialte hna cungah zangfah thiam nak lungthin ngeih ding le Bawipa nih a rak kan hmuh sak cang mi lam zawh in kan zumhnak le kan i ruahchannak hna kha hmual ngei ngaiin a langhter kho tu thawnnak a si” tiah a ti.

Cu a si caah, kan nunnak lamthluan ah zumhnak cungah hrambunh i ruahchannak ah thazang i lak in kan Bawipa Jesuh Khrih hnu zulh cio dingin a kan forhfial.

Ulhcaan ah pakhat cio in siseh, phu cio in siseh, ziaza thatnak than ter ding, cun thacamnak, pekchanhnak thawngin Jesuh Khrih cung kan zumhnak ah nunthar in nun khawh cio ding tiin forhfial nak a tuah.

https://bit.ly/2NAaqc0

Add new comment

3 + 4 =