2025 JUBILEE KUM

Pope nih 2025 Jubilee ca timhtuah in thlacam dingah a thanh (Jan 21) 2024)

Pope Francis nih Catholic Bupi kum 2025 tlinh Jubilee puai caah thlacamnak in timhtuah dingah, zarpini chun ah thlacamnak kum thok dingah theihternak a ngei.

Zarhpini chun Angelus adih hnu, biachimnak ah Pope Francis nih January 21 ni ah thlacam kum tiah a thanh. Mah ni cu minung pakhat cio i nunzia, Bupi i nunzia le a mansung ngaimi vawleipi caah thlacam le aherh bau taktak mi kha kawlṭhan dingah timhmi kum asi.

Dawtmi ulenau hna, a ralai dingmi thla hna cu kan Jubilee puaipi i a thoknak a thiangmi Kutka on dingah, lam a kan hmuhtu an si lai tiah Pope nih Apostolic Palace i thlalang awng in a chimh.

Hi thluachuah i thil canning ah ṭhatein kan nunkhawhnak caah le Pathian sinin ruahchannak huham kha ton dingah, a kan timhtuah piak dingah, thla nan cam tikah biatak tein hal u. Cu asi caah, nihin i kan ni hna cu thlacamnak karhlan thoknak ni hna asi tiah a rak chim.

Thlacamnak kum he pehtlaihmi thawngpang theihternak cu January 23 ni ah tuah asi telai tiah Holy See Press Office nih a tarlangh.

Vatican le Rome khuapi ah 2025 Jubilee kum ca i timhmi cu, kum 2000 Jubilee hnu i ahmasabik kum (25) tlinhnak caah, hi khuapi ah mipum 35 nuai (million) phanhkhawh dingin an vun thanh tiah an tarlangh.

2025 Jubilee kum cu Dec 24, 2024 (Christmas Zaan) in aa thok lai i Jan 6, 2026 tiang asi lai tiah an tarlangh.