Adikmi Tonbiaruahnak

Tonbiaruah

ADIKMI TON BIARUAHNAK LE NAWLNGAIH THIAMNAK

Midang chimmi bia ngaihpiaknak cu adikmi biaruahnak i pakhatnak le abiapibik konglam asi tiah Cardinal Suenens nih a rak chim.
    Biachim hlanah ngaihpiak thiamnak ahau. “Mi pakhat awthawng kha ngaihpiak menmen silo hleiah a thinlung kha ngaihthiam ahau tiah Pope Paul VI nih ralrinnak a rak pek. 1

Mi pakhat a chimmi bia kha ralring tein ngaih i cu mipa/nu i a thinlung chung i a duhnak kha theihpiak khawh zuamding asi. Ton biaruahnak ah tampi ngaih i tlawmte chimnak cu tonnak i a timhmi kha tampiin teinak a hmuhter.
    Sihmanhsehlaw adik ahmaan i ngaihkpiaknak asilai. `tuanvo ngeih ruang menmen in ngaihpiak mi asilai lo. Sualnak kawlduh mi, a palhnak kawlpiak duhmi phunin ngaihpiaknak asi awk asilo. Adinglo mi lungthin ngeih i ngaihpiak mi phun zong asi awk asilo. Mah nih chimmi biafang hna, khuaruahnak hna kha midang thluak chungah khumh piak i ngaihpiaknak zong asi awk asi fawnlo. 

Kannih cu midang i an chimmi bia kha theihthiam zawnruahnak kotho (sitawnning) in ngaih awk asi. Ading mi lungthin he ngaihpiak awk asi. Hmuhnak kaupi chiah in ngaih awk asi.
    Aa tlukthlak tein chiah i ngaih ding asi, dawtnak a tling cikcek mi thinlung he ngaih ding asi. ‘Keimah’ tinak aa tel lomi thinlung he ngaih awk asi.

Cubantuk ngaihpiaknak phun cu remhter duhnak a ngeimi muisam asi. `thathnemnak a karhter. Pakhat le pakhat hawikomh biaruahnak ah mahnih duh pungsan ningin, mah lungduhnak ningin, hruhchihnak in haalmi phun cu hawikomhnak (pehtlaihnak) hrawh he aa lo.
    Zeikhom ava siah minung hna caah adik ahmaan mi ton hawikomh biaruahnak cu adik i dawte le lungrual tein hmunkhat ah umnak caah nunnak bantukin abiapi asi.

Cu asicaah pakhat le pakhat adik ahmaan mi, ading mi, upat mi, dawtnak lungthin in tonbia ruahnak cu a um awk asi hrimhrim mi konglam asi kha thukngai in theihfian, cohlang i tuahkel tuah lengmang ding mi asi.
    “Tonbiaruahnak cu a phu nunnak lamthluan ah nunnak thaw asi. Kanmah he hmunkhat tein nun khawhnak caah ton biaruahnak kha tuah lengmang ding mi asi”. 2
End Notes:
1. Cf. The Popes of Vatican II by F. Peter Wigginton, Franciscan Herald Press. Chicago 1983. P- 179.
2. Cf. J. Nimeth Albert, To listen is to heal, Better yourself books, Bombay 1993. P-18

 

Add new comment

5 + 0 =