Ngaihthiamnak

February, Vatican i sining

Pope Francis cu mipi he a tonglio ah mi pakhat nih hnahnohnak a pe natein amah caah thlacam piakding in a chim

Pope nih zarh fatin cacawn nithum nitin sml 10:00 am ah valeicung kilii in Vatican ah a rami Pathian biatu zumtu hna he St. Peter tual ah siseh, nikhua thatlo caan le poipang pakhatkhat a um siah cun Pope Pawl pa (6) nak Hallkhan ah siseh sitawn ningin a tong tawn.

A luancio February thla ni (2) cu cacawn ni (3) ni asi. Cuasicah Pope cu Pathian bia zumtu hna he Pope Paul (6) nak Hallkhan ah i ton in bia a chimh. Culioah mipi lakin mi pakhat nih awthangpi he Bupi tuahmi pawl cu “Pathin duhmi rian asilo” tiin Mirang, Spain le Italy holh in nolh`than lengmang in a chimh. Cu pa cu mipi hnu ah dir in a hmaihuhnak kha a tlaih.

A aw authawng ruangah mipi pawl zong an lung a hung tho cio hna. Cucaah Vatican pakik pawl nih cu pa cu an tlaihcolh i hallkhan a lengah an chuah. Amah kha a rannak in an chuahlo. “Pathian nih a al lo’ Keimah cu siangpahrang ka silo tiin a au. Zeitlukin a au zong ah kum (85) a sicang mi Pope nih cun bia a chimlen ko. A autupa caah thlacampiak hna u sih a ti.

Cu aunak awthawng cu hallkhanpi chungummi vialte nih an theih. Cu pa cu pum lei, thinlung, thlarau leiah pakhatkhat tlinlonak, a baumi umzong asi kho. “Amah cu kan unau pakhat asi. Harnak pakhatkhat ruangah a sikho, amah a herhmi pawl kha theihlo bantuk um tiloin, zawnruah cio u sih. Amah caah thlacam buin hi ton biahruahnak dongter hna u sih” tiin a chim i Pope nih a bia a dongh ter.

Cu ton biaruahnak cu, cubantukin hnahnohnak a ton rungah dinhmi asilo. Cu pa i a aumi cu program dihhlante lawngah a cangmi thil asi. Pope i mipi he a tonnak cu ningkel tuahning in a dihmi a si.

https://bit.ly/3rqnWk3

 

Add new comment

11 + 5 =