KOKEK PAWNGKAM (POPE FRANCIS I LAUDA TOSI)

PATHIAN KHA HNON IN DUH PAOH IN TUAH DUHNAK

Biaknak lei cawnpiaknak pakhat ah Pathian cu zeizong vialte a ti khotu a sinak hi va philh sehlaw, cucu cohlan khawhmi a si lo. Hi bantukin a ummi hna cu Lawkih mi bantuk ṭhawnnak huham hna kha Pathian hmun ah an airawlh i an biak cang. Pathian sermi thil, thilnung saram hna kha ke in lamhchih dingah tlaihkhip uktu ngeilo caanṭha ka hmuh tiah an aupi i, Pathian hmun kha annih nih an chuh.

 Vawleicung i thilnung saram hna cungah mi nih nawlngeihnak aana vialte kan ngei tiin aupinak kha donghter i, mi pa le mi nu kha annih hmunṭhing ah chiahṭhan khawhnak caah a ṭhabik rianṭuannak cu vawlei pumpi a sertu Pa Pathian pakhat a umnak kong, Pathian pakhat lawng nih vawlei pumpi kha a ngeih i, a uknak kong chimhṭhannak lawngin a si.

VANRANGTOI HE PEHTLAI MI BIATHUK HNA (KHUARUAHHAR HNA)

Judah mi le Khrihfa hna i nunphung ningin cawnpiaknak ah sernak timi biafang cu kokek timi biafang nakin a kau deuhmi sullam a ngei. Zeicah kan tiah cun sernak kong ahhin Pathian dawtnak a tling cikcek mi in a suaimi timhtuahnak aa tel. Cu ṭuanawk i timhmi ahcun thilnung vialte hi Pathian hmaiah pumpak pakhat cio man an ngei i, an biapi dih. Kokek tiah kan ti tikah Van le Vawlei chung i, ningcangte ser in a ummi thil hna kha a chim duh i, cu hna kha kawlkhawh an si i ṭha tein kan hngalh a si ahcun minung leikap in cu hna kha tlaihkhip khawhmi thil an si, tiah minung nih an ruah i, Pathian nih minung cungah a ngeihmi dawtnak cu thilnung saram vialte, i komh dingin a kan bawmhnak a si.

Pathian cu a bia kaakhatte in Van kha a ser (Ps 33:6). Hi kong kha kan zoh tikah vawlei pumpi hi ningcang lo piin a rak chuakmi a si lo. Pulrin loin a rak chuakmi a si fawn lo i, Pathian nih dikthliar tein a ruah, bia a chah hnuah a rak chuakmi thil a si. Hi kong nih vawlei pumpi huham kha a santer deuh. Bia kaakhatte in a ser kan ti tikah zalong tein khuaruah tuaktan a thim hnuah a sermi a si ti a fiang.

Van le Vawlei cu zeizongte a tuahkhotu ruahnak sawhsawh in a rak chuakmi a si lo. A ṭhawnnak huham langhternak caah a chuakmi a si lo, sernak rianṭuannak cu dawtnak ruangah a rak chuakmi a si. Ser rianṭuannak dihlak caah Pathian dawtnak cu a biapi in thazaang a norter mi thil a si. Bawipa cu vawleicung i a ummi thilnung saram vialte a dawtu a si. Bawipa nih a sermi thil zeihmanh kha Bawipa nih a hua lo. Bawipa cu thilnung hna kha a huat ahcun zeibantuk thilnung saram hmanh kha a ser lai lo (Wisdom 11:24).

Thilnung saram paoh cu vawleicung ah a nungmi in an umnak hnga hmun a timhtuah piaktu Pathian caah dawtawk a si dingmi an si. Chikhat caante lawng a nung i, a lotlau ṭhan dingmi a hme pacikte rungrul hna hmanh annih a nungmi in caantawite an umnak chungah Pathian caah a dawt dingmi an si. Pathian cu, cu saram fate i a rak chuahnak a dotdot kha a dawtnak in a pomhlawm. Mithiang Mahar Bezel nih Sertu Pathian cu tahkhawh a silo tiangin a ṭhami dawtnak a si, tiah a ti. Dante Ali Carry an timipa nih Pathian cu Nika le Arfi hna kha a cawlcangh tertu dawtnak ngeitu a si, a ti ve.

Ahnu pehzulh ah kannih cu a sermi thilnung hna kong kan kawl kan cawnnak hna in Pathian a thianhlimnak le zaangfah a dawtnak hna kha kan theihkhawhnak caah a dotsang a kan phakter.

Kokek thazaang hna cu khuachia pathian a silo. Caankhatte ah Judah mi hna le khrihfa hna ruahnak ah kokek thazaang hna kha khuachia pathian ah chiah in an biakmi cu ka cohlang lo. Annih cu kokek thlapa, arfi hna an ngannak, khuaruahhar an sinak kong, khuaruahhar in an langhter cio ko nain cu hna kha Pathian sermi an sinak lawngin ka cohlan i, khuachia pathian sinak incun ka cohlang kho lo.

Hitin tuahnak ruangah kokek pawngkam zohkhenhnak caah mi nih kan chiah dingmi ṭuanvo ṭavuan a ngannak kong biapi ah chiah in langhternak a si. Kokek pawngkam zohkhenh kilvennak kong cu a biapi mi a si tiah hmuhṭhannak cu minung zalonnak le ṭuanvo laknak kha khonden ter awk a si lo. Minung hna cu vawlei pumpi cheuchum an si i, annih cu kokek pawngkam zohkhenh kilvennak le ṭhanchonak caah mah tikhawh tawk thazaang kha hman a hau.

Kannih cu kokek pawngkam ṭhathnemnak le khonden a rawhfawinak kong he caankhatte chungah kannih kha Pathian nih a kan pekmi thil tikhawhnak kong kan theihfian ahcun ṭhanchonak caah mi nih kan ngeihmi thazaang kha tlaihkhiptu umlo, hman dingin saduhthahnak kha kan hlonhkhawh lai. A rawhfawi mi vawlei pawngkam kha Pathian nih minung kha ṭhaten zohkhenh dingah ṭuanvo a peknak cu minung caah mah le khuaruahnak thluak kha hman i, lam hmuhsaknak pek awk, a ṭhancho chinnak ding, minung nawlngeihnak aana kha uk, rikhiah piak ding, a ṭhabik ninglam hna kha hman i, rianṭuan cio ding ah a kan zuamcawhnak a si.

Van le Vawlei chungah thil hna, thilnung saram hna kan hmuhkhawh i, khat le khat pehzulh tein pehtlaihnak a ngeihcio caah kannih cu relcawklo hawikomhnak hna he fonh in rianṭuannak hna kha kan kawl kan hmuhkhawh.

Kannih kan zumhnak cu van le vawlei chungah a canglio mi khuaruahhar siningcang hna i sullam le a thukmi thlennak ningcang hna i aa dawhnak hna kha sullam fianter awkah khonh a kan pek. Kannih theihhngalhnak thluak kha hmangin a ṭhalei aa thlengmi thil si hna seh, sifahnak a ruang le ṭumchuknak ningcang hna i a konglam hrampi hna siseh, kawl le cawnkhawh a si.

Bupi cu mikip kha kokek pawngkam zohkhenh kilven dingin ṭuanvo a ngeihnak kong ralrin pek in a forhfial bantukin, caankhatte chungah minung kha mah pum, mah nih hrawhnak ral in zohkhenh kilven cio dingin ralrin a kan pek lengmang.

Sihmanhsehlaw, kannih hmunkhat in rianṭuan a duh i kannih he rianṭuan ṭi awk a kan sawm pengmi Pathian cu kan rak tuahcia mi ṭhatlonak kha ṭhatnak ah a chuahter khawh. Thiangthlarau Pathian cu Pathian hmuhchung khawhnak, fimnak in tahnak a ngeilo mi khuaruahharnak hna kha serkhawhnak thazaang he a tling (a khat) mi a si caah, ningcang lo, hnokcencun in a um i theihkhawh lomi thil hna telh in, minung ruangah a rak chuakmi hnokcencun hribeo hna kha phoihpiak in fianter khawhnak thazaang a ngei.

Pathian cu zalong tein minung rianṭuannak ah aa thlak lo i, mikip he a chungril taktak in a komh hnuah minung he hmunkhat in a um. Cucaah Lawkih rianṭuannak hna caah minung nih zalong tein ṭuanvo lak i, rianṭuannak kha a rak chuak. Kannih he Pathian a umnak cu mikip kha a nungmi in um i, ṭhanternak in sernak rianṭuannak kha pehzulh in a ṭuanmi a si. Pathian Thlarau cu thilcan dingah ruahchannak a ummi thil phunphun in van le vawlei dihlak kha a khahter caah thil umtu ningcang vialte hmaiah khuaruahhar awk a simi hna kha a chuahter khawh.

Add new comment

13 + 2 =