THAWNGṬHA CHIMTU HNA SIN BIACAH

Thawngṭha chim dingah Khrihfa hna cu i al ding siloin tuufa bantuk lungnem dingah auh an si

Khrihfa hna Thangṭha chim tikah “i al ding, i lehrulh ding le mah le mah run ven dingah” auhkawh mi an silo sihmanhsehlah ‘lung a nemmi, mi toidor mi si a hau’ tiah Pope Francis nih a chim.

February ni 15 i mipi a tonnak ah Pope nih thawngṭha chimnak le lamkaltu lungṭhawnnak kong bia a chimlio ah cuticun a chimmi asi.

Pope nih Khrihfa pawl nih atu le tu an i ruat tawn mi cu “a tlakmi, a tammi, hmaizah tlakmi le vawleimi nih kan ngai sehlaw kan upat hna seh” tiah a fekmi thawngṭha chimnak an hman tawn. Cunakin Khrih nih a zultu hna kha “cenghngia lak i tuu” Pathian nih a kilven i “lung a nemmi, sual a ngeilo mi le aa pekchan mi” he hmelchunh mi si awkah a hal hna a ti.

Khrihfa pakhat cio i, thawngṭha phuan dingin kawhauhnak cu zultu hna nih Khrih he an i tonnak banatuk khan Khrih tonnak ah a hram a bunh.

“Thawngṭha chim timi cu ‘blah, blah, blah’ le hleice  zeihmanh asilo” tiah Pope nih a kutzaoh buin bia cu a chim. A herhmi cu “nan dihlak in duh hringhrannak hna: ruahnak, lungthin, kut le ke, zeizong vialte. Minung pum dihlak telh” tinak asi.

Jesuh naih dingah le a bia hrawm awk kal dingah zultu hna i aa ralkah mi rian a lo timi ah Pope nih zultu sinak thil pahnih hna cu hmunkhat in an kal, zeicahtiah “mission umlo in Jesuh he hawikomhnak a ṭhang kho lo” a ti.

Thawngthanhnak Tuahmi

Midang hna sin i Thawngṭha chim timi cu Jesuh he i tonnak in a thok tiah a chim. Khrih i ceunak hrawm dingah mah nih ton hmasa lo ahcun a si kho lo.

Sihmanhsehlaw, “Khrih hnu zulh timi cu chunglei i asi taktak mi thil zohnak asilo; thanhnak umlo, rianhnak umlo, mission umlo in Amah

 “Jesuh kong lawng chimnak nakin Jesuh kha hmuhsak ding asi” “Cuticun, Thawngṭha na phuanning cu asi”, tiah Pope nih a ti.

Francis zong nih Thawngṭha phuannak ah a chingchiah mi cu “Thawngṭha i ahrampi bia” asimi Pathian nih a minung hna he naitein a umnak kha hleihlum in pehtlaih ding nakin “mi kha pakhatkhat tuah dingah atu le tu kan sawm tawn hna” a ti.

Jesuh nih a zultu hna kha khuahkhat asiloah a bu in a thlah hna bantuk khan khrihfa hna cu an mission rian ah mah lawngin asi kho lo, vawlei i lungthin pek ngaiin zohnak le laksawng hmuhnak nakin pakhat le pakhat sinin thazaang peknak cungah bochan in hmunkhat in kalṭi ding asi a ti.

https://bit.ly/3S1ZeSE