`Thihphaihnak paohpaoh cu

“Ramkhat le khat i a chuakmi i alnak hna kha khuakhan `tinak lawnglawng in a phi kawlkhawh asi i hriamnam in fianter tlak asilo zia kha minung nih biapi deuhdeuh ah an chiah cang tiah Pope John (23) nih a rak `tial. ⁴
    `Thihphaih ningcang cu hrawhnak muisam a keng. Cucaah Pope Pius-VIII nih “Daihnak ruangah thil zeihmanh a sungh kho lo. Raltuknak ruangah thil zeizongte sungh khawh asi” tiah ralrinnak a rak pek.<sup>5</sup>   Cu asi caah `thihphaih ningcang kha kan hlawtcio lai.

4. Cf. Pacem in Terris N. 126
5. Cf. Pacem in Terris N. 116

Pope Francis nih Albiania ram (September 21-2014) kum ah a va tlawnlio ah `thihphaihnak kha a rak soisael. Amah nih “`thihphaihnak le sersat tlaihkhipnak hna tuah ko `tung i mah pumpak kha Pathian i thir angki thuam tiah min i buh khawh asilo. Biaknak phung kha konglam chimrel i minung huham he aa rachanhmmi tuahsernak hna, Pa paohpaoh le nu paohpaoh i huham he a ralchanhmi umtu ziaza hna, abiapi bikmi cu minung tinvo le mikip biaknak lei zalennak kha a ralchanmi umtu ziaza hna kha tuah hlah uh” tiah a rak ti hna (cf, CNN).    
    Mithiang John Pawl II nih cun fehternak a rak tuah rihmi cu “`thihphaihnak ningcangin mi a thatmi hna cu, minung hna kha a lung a rawkmi hna, mah pumcung ah lungrawh mi hna, hmailei caah lungrawh mihna an si i annih hmuhnak ah, zeizongte hih huat ding asi, hrawhding asi timi zumhnak a ngeimi hna an si” tiaha ti, (St. John Pawl II message for 2002, World day of Peace, 6.)

Minung hna cu, mah le tinvo cio kha ningcang tein hal tikah `hihkphaihnak lam kha hman cio lo ding le dai tein hnaihoklo lam in upadi richung ah nan halcio awk asilai. `Thihphainak paohpaoh cu vawlei pumpi caah hrawhnak asi i minung `thanchonak le daihnak kha a ralchanh zungzal.
            Olive dum i amah le zultu hna kha Tlawngbawingan hna le a hnuzul hna nih ahmaanlo in an ra tlaihlio ah St. Peter nih vainam aa zuh i a rak tuk caah cu hna lakin pakhat pa  hnakhaw a pet. Bawipa Jesuh nih `thihphaihnak kha `thihphaihnak in lehrulh awk ah tha a rak pe lo. “Bawipa” nih St. Peter kha “Na nam cu a kawng ah sawh`han ko, zeicah tiah hriamnam a lami cu hriamnam im an thi lai (Mt. 26:52) a rak ti, Thihphainak kha `thihphaihnak in lehrulhnak zong cu buainak piahtana kha palh ngai in fianternak asi ko lo maw?