Zeizong vialte hi Pathian a kan pekmi Laksawng a si

Zeizong vialte hi Pathian nih a kan pekmi Laksawng a si

              Mithinghlim Pope John Paul II (Saint John Paul-II) cu kokek pawngkam maan cikcek in a rawhdihnak ruangah a thin a rak phang chinchin. Amah nih hmasabik a rak chuahmi cathuan (Mi khawmhtu - Redeemer of Men) ah minung hna cu a caancaan ti bantukin mah i kokek pawngkam cu mi hna i tulio tthathnemnak ca lawng san a tlai i, adang zeiah hmanh san a tlai lo, tiah an ruah in an sawksam cio bantukin a sinnak kong kha ruah awk ngai a si.

             Cucaah a hnuzultu na va si ahcun, Pope kan pa cu kokek pawngkam cungah ruahnak kha thlen a hau tiah a rak chim. Cu caante ahcun minung lei kap he pehtlai mi, a dik mi pawngkam zohkhenhnak a chuahnak hnga minung nih tuah ttuan mi rian hna kha zohkhenh piaknak caah ttuanrian hna cu a tlawmtuk hringhran tiah a langhter. Minung pawngkam a rawhnak cu a biapi tukin chiah dingmi thil a si. Zeicah kan ti ahcun Pathian nih Mipa, Minu hna kha hi vawlei zohkhenh dingin ttuanvo a rak pek hna hleiah, minung hna i nunnak ningcang cu thil sining tthatlonak a phunphun in khamh, zohkhenh dingmi laksawng sung a si. Kokek pawngkam kha khamh, zohkhenh, kilvennak le siningcang tthanchonak caah tuah, rianttuannak ah minung tthudir khuasak ttit uh, zuarding in chuahter mi thil chuahnak, hmannak ningcang le ram uknak aana upadi hna zong kha tampi thlen a rak hau te lai.

             Minung hna i kenkip tthanchonak ah nunning ziaza leikap kha philh awk an ttha lai lo. Mi hna tthanchonak he pehtlai mi rian kipah minung huham kha tlin cikcek in upat a herh i, kan pawngkam i vawleipi zong kha ruatchih a hau ve hnu ah thilnung paoh kokek an nunning kong, ningcang tein sermi hi Vawlei chungah pakhat le pakhat pehtlai tein pehtlaihnak hna zong ruahchih ding a si ve.

             Vawlei um tuning thlen duhnak in minung nih tuah rianttuannak hna cu Pathian cu Vawlei cung i a ummi thil zeizong vialte kha mi vialte ca i laksawng ah a kan pekmi tinhnak he aa khat awk a si.