Ruahchanmi daihnak i hmelchunhnak

Photocredit, Glory tilawng cu Chornomorsk rili kam in a chuak

Pope Francis nih Ukrarine facang kong hnatlaknak kha ruahchanmi daihnak i hmelchunhnak asi tiah a lawmh

(8 July 2022)

Devin Watkins in

Pope Francis nih facang tilawng hna Ukarine tilawng dinhnak in chuak an onhmi cungah a lunglawmhnak kong a chim i hi hnatlaknak hi thil ningcang a si i a hmun hngami daihnak hmuhkhawh asi te lai ti i a ruahchannak kha a chim.

Facang tun a phorhmi tilawng pawl cu Ukarine tilawng dinhnak in ahmasbik an chuaknak kha ka don hna.

Pope Francis nih Zarhpini chun 7 July, Angelus thlacamnak ah bia a chimtikah cubantukin a hmuhnak cu a chim.

Russia nih February 24 ni in Ukarine an chim hnu ah khualipi Odessa in kan hnu zarh ah a hmasabik tilawng pawl an chuak dih hnu ah Ukarine Rili Nak tilawng dinhnak hmun in tilawng pali rual hna cu an chuak ve.

Hnatlaknak cu daihnak lei ah kar a hlan ti ka hmuhsak tiah Pope Francis nih a chim.

Hi karkhat nih biaruahnak cu a sikhawh tinak a hmuhsak i a fekmi thil a chuahter lainak kha a hmuhsak. Cuasicaah hi thil sining hi ruachanmi hmelchunhnak in hmuhkhawh a si i, hi lamtluan ningin karhlannak thawngin raldohnak hna i din in ning a cang i a fekmi daihnak a phakkhawh lai tiah ka ruahchan.

Khamnak donghter

Russia le Ukarine kar ah Ukarine rawlfang eiawk hna kha Rili Nak tan in chuah siang dingah Turkey le UN hna nih July thla ah karlak lamkalnak an tuah piak.

Cu hnatlaknak nih vawleicung i facang man kaitertu Ukarine lilawng dinhnak hna thla tampi phihkanhnak kha a donghter.

Ukarine facang kuatmi a tlawm ruangah hmun paohpaoh ah mangtaam a chuahter khawh tiah UN nih ralrin a pek.

Raltuk hlan ah Ukarine le Russia hna cu vawlei huap changvut zuarhnak i `thenthum `thenkhat tluk kha hmunkhat in an tuah.

Tawlrelnak Fonh

Ukarine changvut zuarhnak tawlrel dingin Istanbul ah Tawlrelnak Fonh Center (A Joint Coordination Centre- JCC) an dirh i Russia, Ukarine, Turkey le UN hna in riantuantu pawl an chiah.

Zarhpini ah tilawng dinhnak in a chuakmi tilawng pali cu fangvoi le adang eiawk thil ton 170,000 tluk an phorh tiah Ukarine tilawng dinhnak nawlngeitu nih a chim.

February ah raltuk asi hnu in Ukarine ram ah changvut phorh dingin ramdang aalan tar tilawng pakhat a phaknak zarhteni cu a voikhatnak a si.

Ukarine Infrastruture Minister nih thlakhat ah a `thami changvut ton nuai thum (3,000,000) zuarkhawh ding ruahchannak a um tiah zarhpini ah a chim.

“Kannih nih a nganmi riantuannak lei ah duhsah tein kan kal cuahmah liopi asi” tiah Facebook chungin Oleksandr Kubrakov nih a chim. A rouhhlanah tilawng dinhnak hmun nih tlakhat ah tilawng a tlawmbik 100 hrawng tlangtlak uknak tlaih dingah khua kan khanchung tiah a chim.

Source> Vatican News https://bit.ly/3zHNSe2

Add new comment

3 + 0 =