BAWIPA THISA

Episcopal le Lutheran bu a cheu dah ti lo cu Protestant Bupi hna nih Bawipa thisa ah Bawi Jesuh a um timi cu siasal biaknak a si an ti i an hlawt. Annih cu ruahnolhnak sawhsawh in an ruah.

Catholic Bupi nih Lamkaltu chan in Changreu le mitsurzu mui chungah Khrihpum le Thi a um taktak tiah a cawnpiak. 1Korin; 11:29 ah “Chang kha a ei i hrai in a din tikah Bawipa pum sullam kha a hngalh lo ahcun a ei a din ahkhan biaceihnak aa ei aa din chih. Cucaah cunpei mi tampi nan zawt nan fah i a thih zong tlawmpal nan thih phah kha a si cu,”. Bawipa pum sullam a timi cu changreu sawhsawh a si ko ahcun, zawtfahnak le thihnak tiang hna a chuahter kho hnga maw? ti hi tuaktaan khawh a si.

John 6:54 ah Jesuh hrimhrim nih “Ka sa a ei i ka thi a dingmi poah nih zungzal nunnak an ngei i, hmanungbik ni ah nunnak ah ka thawhter hna lai,” tiah Vancung phanhnak ding tiang hmanh bia a kam hna mi hi changreu sawhsawh nih cun a pe kho hnga maw? a hme 58 ah “Hi chungreu a eimi cu zungzal in an nung lai,” a ti chap rih.

Ti zong mitsurzu ah a thlen khotu Jesuh nih changreu kha ka sa a si, a ti tikah lungaw`awm loin a zum khomi cu Peter le a zultu pawl lawng an si. Jesuh bia ngaihruah ah a zulmi Judah mipi tampi hna cu, cu bia cu an zumhkhawh lo ruangah Jesuh zulhnak cun an i let dih `han i an zul ti lo. (John 6:58:69)