Biahalnak le Lehnak

Catholic Pawl nih Mary an bia maw? timi  kan hnu thla i apeh

(14). Jn 19:26-27 ah a caan a phan i sifah a in hnuah, Eve can a simi Nu a si caah amah nu lawng siloin mi vialte i nu a sinak kha langhter awk caah, Nu Mary zong nih mi vialte kha dawt awk caah, a nu kha Vailam cung in “Minu, na fa kha zoh” a dawtmi Johan zong kha “Na nu kha zoh” tiah biakamnak a pek hna. “Minu - Woman” timi biafang kha upatnak he a hman. Gen 3:20 ah mipa Adam nih a nupi kha Eve min a sak. Zeicahtiah amah cu thilnung vialte i “nu” a si. Cu bangin Adam thar a simi Khrih nih Eve thar a simi a nu Mary kha Johan thawngin mi vialte nu ah a siter i Vailam cung a thih lai te ah a biapi ngai in Nu Mary kha Johan cu a zohkhenhter i “အချင်းမိန်းမ-Minu” timi minthar a sak. Hruh hrang mi biafang a si lo. A sullam cu Jesuh nih mi kha Mary cu minu Eve aiawh tu minu a si, ti langhter duh ah hel(indirect) in a chimmi tu a si. Ruat hmanh! Mt 4:10 “အချင်း-Satan, va kal cang!” tiah a ti tikah “အချင်း” hi “dawtmi ka hawi” tiah lak ding a si lo. Bible ah Khrih nih Satan a auhnak le minung a auh nak kha `ha tein thleidan a hau. Cuti nannih hna ruahnak an palhter tu hna cu Kawlca in a let tu Judson nih a daithlan ruangah a si. English Bible kha rel tuah hmanh u. “အချင်း” timi biafang hlei a hmang lo. ‘Satan’ le ‘Woman’ ti lawng in a hman. Judson nih a leh hnu ceo ah ‘အချင်းမိန်းမ, အချင်းဆာတန္’ timi a chuak. Jesuh nih tcsif;rdef;r-Minu tiah a ti paoh ah mi kha a si hna maw? Bible in zohhnih usih.

Mt 16:23 ah, Jesuh nih a thih lai nak kong kha a thlauh mi Peter kha “အချင်းဆာတန္-Satan” tiah a ti. Lk 4:8 ah “ အချင်းဆာတန္ - Satan va kal ko” tiah a ti fawn. Hi Bible caang hna i “အချင်း” a timi hi Kawl dictionary bangin “dawtmi hawikom -အေဆြ” tiah kan lak ahcun a palh khomi a si. Jesuh nih “dawtmi satan” tiah a au hnga maw? Cucaah ‘အချင်းမိန်းမ’ timi cu mi pakhat khat kha hmaitonh te kutdong sawhchih in a chimmi bia a si lai tiah ka ruah. Cucaah “ အချင်းမိန်းမ- Minu” ai in “hi minu/ cu minu/ nangmah nu” tiah siseh ‘အချင်းဆာတန္’ai in “nang-Satan va kal ko” tiah a chimmi a si. Paul zong nih “အချင်းမိန်းမတုိ့ - Nanih Nupi hna, nan vale nawl kha ngai hna u, vale hna, nan nupi le kha daw hna u,” tiah Kolose khuami hna kha a chimh hna (Kolose 3:18-19). Hika zawn ahhin “အချင်း” a timi cu “nannih nupi hna vale hna” tiah upatnak tein a hman mi a si ko lo maw? Cucaah Jesuh nih a nu Mary kha ? tiah a timi cu hruhhrang bia a si lo. “အချင်း” timi biafang hi amah le zawn cio ah theihthiam a hau mi a si. King James Vision Bible ningin cun Kolose 3:18-19 i “အချင်းမိန်းမတို့ အချင်း‌‌ေ,ျာကျ်ား” timi kha “Wifes” le “Husbands” a simi ‘Nupi hna/ Vale hna” ti lawngin a `ial kha theihawk a si. Jn 2:4 i “အချင်းမိန်းမ-Minu/ ka nu zeidah tuahawk ti na ka chimh awk a si lo, ka caan pei a phan rih lo cu” a timi Jesuh bia hi Jesuh cu mi vialte caah thihnak a in lainak caan a phak lai te ah Vailam pawng i a nu le a dawtmi Johan an dir ko kha a hmuh hna tikah “ အချင်းမိန်းမ-Na fa kha zoh! Johan zong kha na nu kha zoh” timi biafang in hmual a ngeihter deuh. Kha biafang in Jesuh cu a nu Mary le a chanchan mi vialte he pehtlaih nak a ngei mi a si ti tehte a si. Catholic fale hna nih hi Bible a thukmi sullam an theihkhawhnak cu Lamkaltu (zultu) hna in a ra mi an si caah a si.

(15). Luka 11:27-28 zongah Jesuh nih a cawnpiak hna lioah mi zapi lak cun minu pakhat a hung au i “Nangmah a rak in hring i a rak in cawmtu nu hi zeitluk in dik aa lawmh,” tiah a ti tikah Jesuh nih “Pathian bia kha a thei i a ngai mi caah cun zeitluk in dik lunglawmhnak a si chinchin,” tiah a lehnak nih Nu Mary cu Pathian bia a ngaih a cohlan i a tonmi thil vialte kha a lung ah aa cinken (Lk 2:48-52) i a zulhnak kong kha Jerusalem Biakinn chung i Mary le Ngakchia Jesuh bia an i ruahnak ah kan hmuh. Cuticun Mary cu Pathian bia cohlang in a zulhnak thawngin thluachuah a tam chinchin nak kha Jesuh nih biahel in a rak thang`hat mi a si. 

(16). Lamkaltu 1:12-26 ah Peter hruainak in Judas Iskariot aiawh in Matthias thim ding in thla an rak cam lioah Jesuh nu Mary a rak i tel ve (Lam 1:14). Cucu Catholic bupi rian`uannak le tuahsernak paoh ah Nu Mary nih Fapa Jesuh sin thlacam-piaknak in a kan telpi peng ko timi tehte a si. 

(17) . Thiang Thlarau a `um  ni (Penticost ni) zongah Matthias an rak thim lio i aa tel ve mi dihlak cungah meizik he aa lomi lei`e a `um lioah Nu Mary zong cu Thiang Thlarau vel a hmu`han mi nu a si ve lo mei!(Lam 1:1-4). A sullam cu Nu Mary cu Catholic bupi i Lamkaltu hna he aa tluk tein Thlarau vel a tingco ve i Bupi rian ah ral`ha ngai in a dirkamhtu a sinak le nihin tiang Catholic bupi a hmunhnak ding caah Fapa Pathian sin thla a campiak i `anpi tu sihni pakhat bangin Bupi kha a kilven i a zohkhenhnak kong a fianter mi a si.

(18). Mithiang Paul zong nih (Galali 4:4-6 ah a `ialmi cu), “A caan cu a hung phak tikah, Pathian nih a Fapa kha a run thlah. Nu chung khan a hung chuak i Judah mi Nawlbia tang ah khan a um. Nawlbia tang i a ummi hna kha luatter awk le kannih kha Pathian fa i canter awk caah a si,” tiah a chimnak nih Jesuh cu Nu Mary a simi Nu paw chungin a chuak ti kha a cohlan i a rak `ialmi a si. Paul nih Nu a simi Mary kha Jesuh nu a si i Jesuh Khrih zong Nu sin in hrinmi a si ti tehte a khaannak a si. 

(19) . St. Johan nih langhnak a hmuhmi Biathlam 12:1 zongah “Cun van ahkhin khuaruahhar a simi hmelchunhnak nganpi pakhat a lang. Minu pakhat a lang i a thuam ah nika a si; thlapa kha a ke in aa lamh i a lu ah arfi hleihnih bawiluchin aa chinh” a ti. Kha minu cu Nu Mary a silo ah aho dah a si kun lai? Ruat hnik tuah uh! Kan theihawk cu Jesuh nih Johan sinah a Nu Mary a rak ap nak kong kha ruat tuah uh. Zeicah tiah hi kong hna cu Johan nih pei a rak hmuh`than cu. 
(20) .Cu nu cu Nau a hring dengmang i nau nganfah in a ai (Bia 12:2). Milu rel nak cazin ah luhter ding in Mary le Josef cu Jerusalem lei an kal lioah riahnak hmun ngei lo, cawrawl einak kuang ah nau a hringmi Nu Mary sining kha ruat hmanh uh. Cucu Nu Mary a intuarnak kha a langhter ti philh hlah usih (Lk 2:1-7).

#Kanpehthanlai