Biaknak Khuacaan le Zarhpi Ni

Biaknak Khuacaan le Zarhpini

A Thiangmi kan nu bupi nih a valpa i a khamhnak philhlonak kha kumkhat chung a cheu ni hna ah a tuah awk a si tiah a zumh. Zarh fate Bawipa Ni tiah auhmi Zarhpi Ni ah Bawipa thawhtthannak philh lonak kha a tuah. Kumkhat ah veikhat thawhtthan ni kha sunglawi ngai in a tuah. A temhinnak zong a tuah. Kumkhat chungah Khrih a Biathuk dihlak kha a hun. Khamnak Biathuk hna kong kha vun ruah in Bupi nih Bawipa a tthawnnak le a tthatnak a rum ning kha zumtu hna caah a kau piak hna. Cu bantuk in Khrih Biathuk hna cu chan kip ah a umter i zumtu hna nih fek tein an i tlaih i khamhnak vel in an khat.

Moses nawlbia chan in Pathian miphun hna nih lanhtak puai thawk in ri an khiahmi puai hna kha an ulh hna. Khamhtu Pathian thil a tuahmi kha an ruah i mah caah lawmhnak an pek. Philh lo nak in an tuah zungzal i an tefa hna kha mah jna bantuk in an nuncan ziaza an i laknak hnga an cawnpiak hna. Bupi chanah veikhat ah za lak in tlinh cangmi Khrih a lanhtak le Pathian pennak chungah a tlinhnak a phanh karlak ah ri khiahmi ni i tuahmi biaknak nih Khrih biathuk a tharnak kha tacik a khenh.

Bupi nih Khrih biaknak a vun tuah tikah a thlacamnak a ngaimi biafang pakhat a um. Cucu "Nihin" ti hi a si. Bawipa nih a cawnpiakmi thlacamhnak le Thiang Thlarau au aw a tlengmi a si. (Mt 6:11. Heb 3:7-44:11.Psalm 95:7). Mah a nungmi Pathian a nihin nih hin minung kha Jesuh a lanhtak "caan" ah luh awk ah a sawm i ma hi tuan bia vialte a phan dihmi a si i tuanbia vialte kha a tangah a chiah dih.

Khrih a thawhtthan ni in a hram aa thawk i Lamkaltu hna nih an rak i chanhmi phungbia in Bupi nih Lanhtak biathuk kha a ni sarihnak ni kip ah a tuah i Bawipa Ni a siloah Zarhpi NI tiah auh a si. Khrih a thawhtthan ni cu Zarhkhat ah a ni khatnak ni sernak aa thawk hmasanak ni philh lonak a si i mah hi sabbat nganpi ni i Khrih aa dinh hnu a niriatnak ni a si i mah ni nih hin "Bawipa nih a sermi ni" zanlei a um tilomi ni cu a hram aa thawk.(Psalm 118:24). Bawipa Zanriah cu a canter a si. Zeicahtiah, khi ka ah zumtu bu dihlak cu a rawldumnak puai ah a sawmtu Khrih he an i tong.( Jn 21:12, Lk 24:30).

"Bawipa ni Thawhtthan ni, Khrihfa hna ni cu kan mah ni a si. Bawipa ni tiah auh a si, zeicahtiah, khi ni ah Bawipa cu Pa sinah teinak in a tho tthan. Pathian bia lo mi hna nih mah ni cu nipi tiah an auh ahcun lungtho tein kan hna a tla, zeitintiah nihin ah vawlei cernak cu a chuak i, Nihin nih damnak a pemi a nihri he dinhnak ni cu a langhter."St.Jerome".

 Zarhpi Ni cu Biaknak caah a biapi bikmi ni a si, zumtu hna cu Pathian bia ngai awk le Bawipa Thisa thawinak ah i tel awkah an i pum i, Bawipa a temhinnak, Thawhtthannak le sunparnak kha an ruah i hrintthan an hmuhmi caah Pathian kha an lawmh.

Add new comment

13 + 3 =