Mithiang Peter le Mithiang Paul An Puai

June, 29

Mithiang Peter le Mithiang Paul ( AD.64)

 Khrih zultu hna chungin upabik (alubik) a simi mithiang Peter cu Bethsaida i a chuakmi ngatlaitu a si. Bawipa Jesuh Khrih nih a auh hnu, a hnu ah cun vanrang tang a ummi thil vialte kha a hlawt i a hnu a rak zulh. (Mk; 1:11) Sisaria Filipi khua pawngah Bawi Jesuh nih amah a min kha “Lungtum” ti sullam a ngei mi “Peter” tiah a thlen piak (asak) i “Nang cu lungtum, Peter na si, kan ti. 

Cun hi lungpi cungah hin ka Khrihfa buhram ka bunh lai i, cucu thihnak hmanh nih a tei kho lai lo,” tiah a rak ti. (Mt; 16:18) Peter cu Bawi Jesuh he an um `i zungzal ko hmanhsehlaw voithum tiang Jesuh kha a hlawt. Bawipa Jesuh zong nih Peter nih a mah a dawt kha fehter nak ah voithum tiang a hal. Jhn; 21:15) Peter cu Bawipa Jesuh Vancung a kai hnu ah a lawngmi Judah aiawh in Mathias kha lamkaltu (zultu) ah an thim lioah khan hruaitu a si i, Jesuh cu Messiah a si ko ti kha ral`hat ngaiin a au pi.

Amah nih thla a campiak nak thawngin a nu pawchungin a ke a `ha lomi (azengmi pa) pakhat a dam ter. (Lam; 3:5) Kornelias inn ah Thiang Thlarau a `umter nak (Lam; 10:44) tiin khuaruahhar thil tuah khawhnak a rak ngei. Kum 49 kum Jerusalem council a dih hnu ah Peter cu Evangelist thawng`ha kha chim awk caah Rome khua ah a kal. 64 kum ah cun Nero Siangpahrang pa nih Bupi kha a dawi hna i a hrem hna chan ahkhan Peter cu Vertican tlangbo cungah a bing talet in vailam an tah i an thah.

Khrihfa a si lomi hna chungin lamkaltu a simi mithiang Paul (St. Paul) cu Tarsu khua i a lung a `hawng ngaimi a pial sualmi, Farasi pakhat a si. Damas khua lei ah a kal lioah lampi ah a lung aa thleng i (Lam; 9:18) a hnu ahcun Asia le Greek ram pumpi ah thabat khawh lo tiangin Evangelist thawng`ha kha a phuan i bu tampi kha a dirhpiak hna.

Mah bu hna kha mithiang Paul i cakuat timi min in Bible cathar ah ca telmi cakuat hna a `ial i a kuat tawn hna. Jerusalem khua lei ah a hnubik in khual a va tlawn lioah a miphun a simi Judah mi hna nih amah kha an tlaih i “Pathian kha ralchanh in a chimmi” tiah sual puhnak kha a in. Amah cu Rome rammi sinak a hmu mi a si caah amah a bia cu uktu (impire) hrimhrim nih bia ka ceih piakseh tiah a rak ti. (Arak hal hna) Rome khua ah thong a tlak lio ah “Kei tucu raithawinak biak`heng cung i an ka chiah caan a phan cang; hi vawlei cung nunnak hi ka chuahtak lai caan a phan cang.

Tlik zuamnak ah khan a dongh tiang khitkhet in ka tli cang. Zumhnak kha fek tein kaa tlaih zungzal, 2Ti; 4:6-7 tiah a `ial i a kuat hna. Kum 64 kum ah a lu an tan i an thah. Constantine Siangpahrangpa nih a pical bik a simi lamkaltu pahnih hna i an thlan (an vuinak) cungah khan a rumra ngaimi St. Peter le St. Paul Biakinn nganpi a rak  sak hna.