December 25 hi Bawipa Jesuh chuahni a si maw?

CHRISTMAS PUAI TUANBIA TAWI

Christmas puai a thawknak tuanbia he pehtlaih in, zeicahdah 25December ni hi Christmas puai kan tuah timi kong hi ṭial ka duh. Kan Bible nih cu nitheng te ah hin Jesuh Khrih a chuak timi hi fiangtein a chimnak a um lo. AD 243  kum tiang ahhin Jesuh Khrih chuah ni puai (asiloah) Christmas puai hi a rak um rih lo. Culio caan chungah hin Bupi Biaknak ah Jesuh temhinnak le a thawhṭhannak lawng hi a bikin an rak chiah. AD 243 kum a phak tik lawngah Italy ram Rom khua ah a hmasabik Christmas puai kha kum fatein April (13) in May (29) karlak, nikhatkhat ah khan rak tuah tawn a si.

AD 336 kum thawkin Christmas puai kha hlunghlai ngaiin Rom khua ah an rak tuah i AD 353kum lawngah (Pope Liberius) nih December (25) ni ah tuahpeng dingin fehter in a thanh. Hitin a khiahnak cu Bupi cawnpiaknak, khua ruahkhawhnak le hngalhkhawhnak ruangah a si. Khrihfa hna he aa pehtlai lomi puai hna chungin “ေအာင္လံမလဲသည့္ေနမင္းပြဲ” asiloah “ေနခုန္ပဲ” cu Christmas a um hlanah puai ngan pakhat a rak si. “ေနခုန္ပဲ” a chuaknak cu hitihin a si. Ni Siangpahrang cu amah a lamthluan te ah aa hel (or) aa thawn timi cu mi kipnih hngalh a si. Khuasik chuaklei 23September thawkin Ni cu vawlei thlanglei ဥတၱရယဥ္စြန္းတန္း lei ah duhsah tein aa ṭhial i vawlei chaklei i a ummi ram hna ah niceu an hmuh mi a tlawm i a kik a luantuk caah, mi tampi nih Ni cu a thi canglai tiah an ruah.

Ni cu December (22) in thlanglei a ṭumnak a dongh i (25) December ni ah Equator leiah duhsah in a kai ṭhan hnuah a ceu tawn ningkelin a ceuṭhan caah Ni cu teitu sinak “ေအာင္လံမလဲသည့္ေနမင္းပြဲ” asiloah “ေနခုန္ပဲ” tiah (25) December ni ah khan hlunghlai ngaiin an rak tuah tawn. Hi puai cu kannih khrihfa mi he pehtlaihnak a ngei lo kan ti ko lai nain, Khrihfa lei kap in kan zoh ahcun aa pehtlaihnak kong kan hmuh khawh. Ni cu vawlei kha ceunak a pek bantukin Jesuh Khrih zong cu hi vawlei ceunak a si. A thi cang tiah mi tampi nih an ruah cangmi Ni cu a nun ṭhan bantukin Jesuh Khrih zong thihnak a tei i a rak thoṭhan. Cucaah zabu (13) kum thawkin Jesuh Khrih he an rak tahchunhnak cu a si.

Bible ca chung zongnih a kik ngaimi khuasik caanah Jesuh cu a chuak tiah a ti caah aa tlakdingin vawlei ceunak a simmi Jesuh Khrih chuahni puai cu “ေနခုန္ပဲ” si loin 25December ah Christmas puai kha thlen in an rak tuah i “ေနခုန္ပဲ” cu duhsah in a ziam thluamah i Christ puai lawng kha nihin nitiang kumkhat hnu kumkhat hlunghlai chinchin in an tuah nak cu a si. Cucaah Jesuh Khrih chuah ni (or) Christmas puai kha AD 353 kum thawkin nihin tiang kum fatin December (25) ni ah vawlei pumpi ah an tuahnak cu a si.