I Upat Tuah!

 “Ka Pa i a ka pekmi paohpaoh cu ka sinah a ra lai i ka sin i a rami paohpaoh cu ahohmanh ka dawn hna lai lo. Zeicahtiah vancung in ka rung `um cu keimah duhnak tuah awkah khan si loin a ka thlahtu duhnak tuah awkah khan a si deuh. A ka thlahtu nih tuah seh ti a ka duhmi cu hihi a si: a ka pekmi vialte kha pakhat hmanh thlau loin, ni hmanung bik ni ah nunnak i an dihlak in thawhter dih kha a si. Zeicahtiah Fapa kha a ka hmu i a ka zummi paohpaoh cu ni hmanung bik ni ah nunnak i thawhter kha ka Pa nih a duhmi cu a si” (Jn 6:37-40).

Sermi thil vialte hna cu pakhat le pakhat cungah aa bochan mi kan si. Thingkung, satil, tbk,… vialte hna zong minung hna caah `hatnak a chuahpitu an si hna i minung hna zong nih an rawhral lo nakhnga caah zohkhenh dingin Pathian hrimhrim nih `uanvo pek mi kan si. Minung hna zong pakhat le pakhat kan i bochan hna i khua le ram, inn le lo dawh tein kan ser hna i khua kan sa `i hna. Pathian sermi vialte hna hi sullam ngei loin sermi zeihmanh an um hna lo. Zeicahtiah, Pathian nih a sermi vialte hna kha a zoh tikhna ah “A ~ha”(Gen. 1) tiah a ti caah a si. Cucu Pathian Bia a si i Pathian Bia cu thluachuah bia a si caah sermi thil vialte hna zong thluachuak mi lawngte an si.

Sermi thil hna hi minung hna nih a zei lei paoh in ser khawh le hrawh cikcek khawh an si hna lo. Chimduhnak cu minung hna nih tuah khawhmi le tuah khawhlomi khi a si. Thil pakhat khat kha Pathian bantukin(Gen 1) “cu ticun hung um seh”, tbk,… le an si ningcang laak piak khawh an si lo. Kanmah nih kan tuah khawh mi te cu “phundang sining lawngah kan thlen khawh hna.” Bianabia ah, lo kan vah hna i mei in kan duah tawn hna. Cu tikah kan vah i kan duahmi thingkung hna cu mei`il le vutcaam, tbk,.. ah an hung cang hna i cinthlak mi thlaici hna caah non `ha ah an hung cang `heu tawn. Thingkung sininig in hmuh khawh an si ti lo na in thil dang phunkhat in an hung lang tawn. Thil pakhat kan hrawh cikcek khawhlo bantukin kan pumsa le kan thlarau zong kan hrawk cikcek kho lo. Mithiang Paul nih “Biathli pakhat kan chimh hna hmanh lai: kan dihlak hin kan i hngilh (thi) dih lai lo, sihmanhsehlaw chikhat te ah kan i thleng dih lai” (1Cor. 15:51) tiah a ti. Hrawh (Thah) khawhnak nawl zong kan ngei fawn lo. Zeicahtiah cun “Pathian Muisam le Pathian Thlarau”(Gen. 2:7) hrimhrim kan chungah a um caah a si. Minung cu taksa le thlarau in sermi kan si caah an pahnih fonh hnu lawngin minung pakhat sinak ah a nungmi kan si. Minung pakhat a thih tikah  pumsa cu thlaan ah vui a si ko nain  thla rau cu a nung mi a si caah a thi lo. Thlarau thihnak cu Pathian nih biaceihnak a tuah hnu lawngah a si. Cu kong cu Biathlam chungah hiti hin kan hmuh. “Cun thihnak le mithi khua cu mei tili(hell) chung ah khan an paih hna. (Hi mei tili hi thih voihnihnak cu a si).  Nunnak cauk chungah an min aa `ial lomi paoh cu mei tili chungah cun an paih hna”(Biathlam 20:14-15).Cu a si caah mah le mah nunnak i laak cu sualngan a si i Pathian nih kan caah a kan timh piak mi hna he zong a ralchan mi a si.