Khuaruahhar riantuan khawhnak

Missa thawinak

Khuaruahhar riantuan khawhnak

Hihi i a duhnak cu missionary can le martyr i can kha a si ko, zeizong vialte kha Khrih chungah hmunhter awk a si. Hi i a sullam cu Khrih chungah zanriah chuan kha a si i Khrih thawngin Pa Pathian sinah le amah ta si mi a fale vialte hna ca zongah a si ko. A sullam a um rih mi ah, nangmah he rian a ttuan ti mi hna, na hawile hna le, hawikom sinak in rianttuan ti kha a si. Kum vui ah ka ni hlawh a ttha deuh lai, ka rian a kai lai tinak lawng si loin, zungzal roco tu sinak ding ca tu ah  khan raintuan ding a si.

Vatican II nih a chim mi bia kha vun thei tthan hmanh: “An riantuannak, thlacamnak le a zultu sinak in i zuamnak, ningcang tein i thit-umhnak le chungkhar nun, nifatin riantuan mi, thinlung le pumsa riantuannak in i dinhnak caah hi vialte thil hna hi thlarau raithawinak ah cang sehlaw Jesuh Khrih thawngin Pa Pathian sinah dotla cohlan mi ah cang ko hna seh. Hi Missa raithawinak cu dawtnak lungthin he Bawipa pum thiang kha  Pa Pathian sin ah pekchanh a si. ”

Kan nunnak dihlak zong hi Missa raithawinak ah i pehtlaih ding a si i, Missa raithawinak chungah cun kan i tel lengmanh hi a si. Vancung cu vawlei ah a rak tum cang bangin kan vawlei zong hi van ah a cheutal cawi san hna u sih. Cucu zeibantuk thil nak in rumra a ngei deuh mi a si. Cu ti a si ah cun kan vawlei pumpi i kan riantuan nak hna cu Missa raithawinak ah an cang ve lai. Cuticun Pathian pennak cu mi vialte hna sinah kan langhter a si lai. Missa raithawinak in vancung nih a kan hngah ko ti kan hun hngalh thawk in kan umnak hmun cu vancung ah kal pi hram kan i thawk a si ve cang.

Martyr ah kan hun i can, Jesuh Khrih tehte kan hun si, Bawipa a avoi hnih nak a rat lai nak (Parousia), Bawipa nih a kan um pi nak timi kan hun hngalh cun Bawipa konglam thukpi in kan hngalh a si.

 

 

Add new comment

15 + 1 =