Pathian ka zumh

Pa Pathian ka zumh: Kan zumhnak cu Pathian in ai thawk. Zeicatiah Pa Pathian cu hramthawhnak le donghnak a si. Is 44:6 ah zeizong vialte an hramthawhnak le an donghnak a si. Pa Pthian cu Thumkomh Pathian ah a hmasabik Person a si. Kan zumhnak bia cu vanle vawlei sernak in a thawk. Zeicatiah sernak cu Pathian a rianttuannak vialte ah a thawhnak le hram a si. Zumhnak bia:

Zeizongtuahkho, van le vawlei sertu Pathian pakhat ka zumh. Thiang Thlarau in a pawi i Ngaknu Thiang Mary nih a hrinmi, Pathian Fapa ngeihchun kan Bawipa Jesu Kri ka zumh. Pontias Pailat kut ah temhnak a in, vailam an tah, a thi i an vui, mithi khua ah a `um i nithumnak ah mithi sinin a tho`han. Vancung ah a kai i zeizong tuah kho Pa Pathian orhleikam ah a `hu. Khi hmun in mithi le minung biaceih awkah a rung `um `han lai. Thiang Thlarau, a thiangmi Katholik Bupi, mithiang mi pumkhat sinak, sualngaihthiamnak, pum thawh`hannak le zungzal nunnak ka zumh. Amen