Thiang Thlarau Sin Thlacamnak

Thiang Thlarau Sin Thlacamnak
Ra law, maw Thiang Thlarau!
K. An zumtu hna lung kha run khahter law, an lungthin chungah na dawtnak mei kha rak alhter ko.
T. Na Thlarau kha run thlah law, annih cu sersiam `han an si lai.
K. Vawlei hmai zong run tharchuah ko.

T. Thlacam u sih.

Maw Pathian, an zumtu hna kha na Thiang Thlarau ceunak in na cawnpiak hna bangin, mah Thiang Thlarau thawngin fimnak taktak kan ngeihnak hnga le amah nih a pek mi hnangamnak ah kan i lawmh zungzal khawhnak hnga run kan bawm ko, tiah kan Bawipa Kri min in kanin hal. Amen.
Maw Thiang Thlarau Pathian, kan lungthin chungah na vel theitlai hna kha rak karhter hna law a sunglawi mi thil hna cungah duhnak lungthin kan ngeihnak hnga thazang run kan pe ko. Maw Thiang Thlarau, nangmah cu Pa Pathian sinin a rak chuak mi na si i Fapa nih bia a kam ning bangin kan fimnak mit kha rak auter law biatak lam lei ah kan hruai ko tiah kanin nawl.
Maw biatak Thlarau, a man a sungbik mi na vel thawngin a palh thiam mi kan lungthin kha zeizongte ah Pa Pathian duhnak kha a theihthiamnak hnga le a duhnak hnga rak cawnpiak ko tuah. Kannih kha harnak a phunphun lakah ka himter law Kri thawngin Pa Pathian sinah kan hruai ko tuah.
Dawtnak hrampi a si i hnemtu maw Thiang Thlarau Pathian, nawlbia le profet bia hna kha tlinter awkah muihnak he a khat mi kan lungthin chungah khan Pathian le minung pakhat le pakhat kha kan i dawt khawhnak hnga dawtnak lungthin kha run kan pe ko.
Zeizong vialte hi Pathian sinin an rak chuak i Pathian sinah khan an kir `han dih ti mi biatak kha a kan hmuhter mi a sangbik mi fimnak kha run kan pe ko tuah.
Sertu maw Thiang Thlarau Pathian, na Bupi kha zangfahnak in run bawm ko tuah. A ral hna kha ral`hat-nak in a doh khawhnak lai `hawnnak huham kha run pe ko tuah. Kannih nih nangmah cungah Pa le Fapa i sunparnak lianngannak kha kan langhter khawhnak hnga na velbawmhnak thawngin kan thlarau kha a thar in run sersiam ko tuah.
Zeizong vialte a tuah kho i a thiang dawtnak Bawi a si mi maw Thiang Thlarau Pathian, rung `um ko tuah. Ngaknu Thiang Mary kha vel he a khahter i lamkaltu hna i lungthin kha khuaruahhar awk in a thlengtu le mar`ar hna kha khuaruahhar ral`hatnak he a huptu maw Thiang Thlarau, ra law kannih kha kan thianter ko tuah. Ceunak vel in an khahter ko tuah. Kan chia`ha thleidannak lungthin kha rak thianhlimter ko tuah. Kan lungthin kha dawtnak mei in rak alhter ko tuah. Soisel kan hman mi kha rak kan remhpiak ko tuah. Nangmah i forhfialnak kha ngaih awkah rak kan zohkhenh ko tuah.
Kan dawtnak a si mi maw Thiang Thlarau Pathian, Bawipa nangmah kha kanin biak. Ceunak run kan pe ko tuah; kan huppheng law kan kilveng ko tuah; kan hnem ko tuah; tuah awktlak a si mi kha kan cawnpiak ko tuah tiah nangmah sinah kan i pe dih. Kan nunnak ah nangmah nih siseh na ti mi vialte kha kannih nih kan cohlan ko lai. Maw Thiang Thlarau, kan lungthin kan thlarau kan duhnak le kan nunnak vialte kha nangmah sinah kanin pek dih. Katholik Bupi kha lam a hruaitu maw Thiang Thlarau, kan hngalhnak lungthin kha nangmah lamhruainak le Bupi cawnpiaknak vialte kha ngaih zungzal awkah rak bawm ko tuah. Dawtnak mei in kan lungthin kha rak khaang dih ko tuah. Kan duhnak kha na duhnak he aa khatte rak siter ko tuah. Kan nuncan ziaza kha Khamhtu Kri nuncan ziaza a cawng kho mi nuncan rak siter ko tuah.
Na laksawng phunsarih a si mi fimnak le theih-thiamnak, khuakhan thiamnak le ral`hatnak, hngalh-nak le Pathian `ihnak le duhnak hna he hmunkhat in thlarau theitlai phunhleihnih zong khan kan khahter ko tuah. Bupi derh awk caah a herh mi Thawng`habia phuan khawhnak, mizaw damternak, le khuaruahhar a phunphun tuah khawhnak vel laksawng hna kha run kan pe ko tuah. Pa le Fapa le Thiang Thlarau sinah a zungzal in sunparnak le lianngannak cu um ko seh. Amen.

#Thiang ##Thlarau###Litany
Bawipa, run kan zangfah ko tuah.
Kri, run kan zangfah ko tuah.
Bawipa, run kan zangfah ko tuah.
Kri, kan ngai ko.
Kri, kan thlacamnak kan ngaihpiak ko tuah.
Vancung a um Pa Pathian, run kan zangfah ko tuah.
Vawlei Tlanhtu Fapa Pathian, run kan zangfah ko tuah.
Thiang Thlarau Pathian, ......
Thiang Thlarau, Pa le Fapa sinin a chuak mi, ......
Thiang Thlarau, Pa le Fapa he aa tluk mi, ......
Thiang Thlarau, Pa Pathian biakam, ......
Thiang Thlarau, duh awkbik le a rumbik mi, ......
Thiang Thlarau, a sangbik Pathian laksawng, ......
Thiang Thlarau, vancung ceunak nizung ceu, ......
Thiang Thlarau, `hatnak vialte aa thawknak, ......
Thiang Thlarau, a nung mi tihna, .....
Thiang Thlarau, a kaang hluahmah mi mei, .....
Thiang Thlarau, a alh mi dawtnak, .....
Thiang Thlarau, thlarau chiti, .....
Biatak le `hawnnak Thlarau, ......
Fimnak le theihthiamnak Thlarau, ......
Hngalhnak le duhnak Thlarau, ......
Bawipa `ihnak Thlarau, ......
Biatak le dawtnak Thlarau, ......
Daihnak le thlumnak Thlarau, ......
Sumnak le lungthiannak Thlarau, ......
Vawlei pumpaluk a khah mi Thlarau, ......
Pathian fale a kan siter mi Thlarau, ......
Pathian Tuufa, hi vawlei sualnak a kalpitu,
na Thlarau run kan thlah ko.
Pathian Tuufa, hi vawlei sualnak a kalpitu,
kan thlarau cungah Thiang Thlarau laksawng kha run tawih ko.
Pathian Tuufa, hi vawlei sualnak a kalpitu,
fimnak le duhpatnak thlarau he kan khahter ko tuah.

H. Maw Pathian, kan chungah a thiang mi lungthin kha run ser ko.
K. Kan chungah a ding mi lungthin kha run tharchuah ko.

H. Thlacam u sih,

Maw a kan zangfahtu kan Pa, na Thlarau nih kan lungthin kha rak ceuter, rak alhter, rak thianter seh law Annih nih na van dap in kan hlanh dih seh law rian `ha `uannak ah thei tampi kan tlaiter ko seh, tiah kan Bawipa Jesu Kri min in kanin hal. Amen.