A THIANGMI MEIKHU

Photo Credit

A thaizing Missa raithawinak an tuah nak hmun ah ka kal tthan. Ka kal caan paoh ah ka mithmai ka hrimhrim ah Bible ca a tlin kha ka “hmuh”. Cu ti amui pah mi chapel chung ahcun Biathlam cauk dah ti lo cu, hmuh khawh mi an um lo i caan dongh lai ni ah a cang hnga ding mi thil sining, Vanmi hna le mithiang mi hna nih Pathian an biak ning kha a langhter. Cauk chung ning tein chapel chung zongah cun a um ve.

Puan aa aih mi tlangbawi kha ka hmuh hna, biakttheng pakhat, aa pum mi, mibu nih “a thiang, a thiang, a thiang” tiin an au zong ka hmuh fawn hna. Rim hmui an khanghmi a khuu zong kha ka hmuh fawn. Vancungmi le mithiang mi hna nih zaangfah halnak thla an cam mi zong kha ka theih. Keimah zong nih “Alleluia” tiin hla ka sak ve. Zeicahtiah cun, cu bantuk Patihan biaknak phung nih a ka hnuh tuk hringhran cang. Ka Bible cauk cu kaa tleih i hnu lei i an chiah mi `hutdan saumi cungah cun ka tthu ko. Zei lam dah ka zawh lai, can dongh lai thil si ning kong lei ah maw, asiloah biak`heng lei ah dah timi hngalh kha ka harh ngaite.

Hlan lio Khrihfa hna kong, a hmasabik Bishop te hna kong le Khrihfa bu i Siangbawi te hna kong, ka vun rel ah cun thazaang thar ka hmuh ngaingai: “mah hi hmuhnak kong” a si. Hi bantukin zing fatin ka tuah. Biathlam cauk hi Pathian biak ning i tawhfung ah an ruah mi a si. Thil lianngan mi ka cung i a tlung mi cu Bible thiamsang le zumtu ttha va sining law, mah cu ko cu a lo. Bible ca chung i ka hmuh mi hna nih a ka tuaitam tuk. Biathlam cauk chung i ka hmuh mi nih hngalhnak tampi a ka ngeihter i, hi thil hna hi ka zumhnak caah a hrampi ah kaa chiah ko hna: Biakamnak kong ka rel mi hna zong nih a thiangmi Pathian chungkhar si nak biakamh ka si kha a ka hngalhter chin. Pathian thangchiat nak tiin ka rak ruahmi Missa raithawinak cu, atu ahcun Pathian biakamnak tazeih a si tiin ka hung i fiang cang. “Mah hi hi kha thi hrai a si, Biakam thar le zungzal a hmun mi biakamnak caah thlet mi thi a si.”

Ka hmuhthar mi hna kong zong ah hin ka lung zong a mit phah. Kum saupi Biathlam cauk hi theih hngalh khawh kaa rak i zuam; a chungah Vawlei donghnak biacah nak, cun Vancung i Pathian biaknak kong zong a um. Vawleicung um lio mi Khrihfa tampi hna zong nih an the-an hngalh khawh lo mi thil zong tampi a um fawn. A tu cu Missa raithawinak ka kainak hi zarh hnih tluk a si cang. Pathian an biak lio caan ah chikhat dir ta i: “Hey, mi vialte hna ka bia ngai ta rih u; Atu lio Vawlei dongh lai caan thil a phunphun a cangmi kongah khoika ah dah nan um timi hmuhsak kan duh hna! Dallinak cang riatnak kha vun kau ta hmanh u. Atu te ah hin nanmah cu Vancung khua ah nan um hih” tiin chimh ka duh ngai hna (Rev 4:8).

Dr. Scott Hahn nih a ttial mi THE LAMB’S SUPPER, page 9-10 chungin leh mi a si. Kan pehtthan te lai. . . .

Add new comment

13 + 7 =