VANCUNGMI NIH NU MARY SIN THAWNGTHANHNAK

Photo Credit

Mary an timi nungak thiang sinah thawngthanh dingah Pathian nih kilvengtu Vanbawi Gabriel kha Nazareth i Galilee khua ah a rak thlah. Cu nungakthiang Mary cu David hrinsor a si mi Joseph he aa hammi an si. Vanbawi cu Mary sinah a ra i “Vel he a khat mi nu, na cungah thluachuah um ko seh; Pathian cu nangmah he a um,” tiah a ti. Mary nih cu bia a theih tikah a awlok a chong i cu bia cu zeibantuk biakchawnhnak dah a si hnga, tiah a ruat. Vancung mi nih cun, “Mary, tih hlah, Pathian lung na ton; nau na pawi lai i fapa na hrin lai. Amin ah Jesuh tiah na sak lai. Cungnungbik Pathian Fapa tiah an ti te lai. Bawipa Pathian nih a pa David thutdan kha a pek lai. Jacob tefa kha zungzal in a uk hna lai i, a pennak cu a dongti lai lo,” tiah a ti.
Asinain Mary nih Vanmi sinah, “Cuthil cu zeitindah a si khawh lai, pa ka hngalhtung lo,” tiah a leh. Vanmi nih cun, Thiang Thlarau na sinah a phan lai i Cungnungbik thilti khawhnak nih an khuh lai. Cu ruangah a Thiang mi fa a chuak hnga mi cu Pathian Fapa ti a si lai. Ngaihmanh, na rualchan, Elizabeth zong a tar hnu ah nau a pawi, a cing an timi kha atu hi thlaruknak a si cang; zeicahtiah Pathian caah a si kholo mi zeihmanh a um lo,” tiah a ti tikah, Mary nih, “Keimah cu, Bawipa Salnu ka si, Na bia bangin si koseh,” tiah a ti i Vanmi nih an kal tak.

Add new comment

5 + 7 =