Chungkhar manngeihnak

INNCHUNGKHAR MAN NGEIHNAK

            Conrad timi siangpahrangpa nih German ralhruang pakhat kha a dum. A ralkap thazaang cu a chungum German ralkap nakin tampi a tam deuh. Sihmansehlaw, khuami hriamnam an chiah duh lo. Sunghpek lo bakin an rak doh ve hna. Siangpahrang Conrad cu a thin a hungtuk i cu khua cu a lak hnu ral vialte kha thah dih dingin bia a khiah.

            A hnubik ahcun Siangpahrang Conrad thazaang kha an tei khawh tilo i cu ralhruang cu Conrad nih a lak khawh. Khua kha a lak tikah amah a dohmi khuami vialte ka thah dih hna lai tiah biachahnak bantukin tuah dingah timhcia a rak si. Asinain ngakchia le nu hna kha a zaangfah ṭhan i annih kha thlah in pa pawl dihlak thah ding bia a khiah ṭhan. Cucaah nu le ngakchia hna kha mansungbik an ngeihmi thil i put u law rak chuak u a ti hna.

            Nu le ngakchia hna cu thildang zeihmanh i chuahpi loin an vale an pele hna, an ule hna, an chungkhat pa hna kha kuttlaih in an chuahpi hna.

            Cu thil sining kha Siangpahrangpa nih a hmuh tikah a khuaruah a har. Nu pawl le ngakchia pawl nih “hi minung hna hi kanmah caah mansungbik thil an si hna” tiah Siangpahrangpa kha an chimh. Siangpahrang zong nih a zaangfah tuk hna caah pa pawl dihlak zong kha a latter dih hna. Ngaite tiah cun chungkhar ahhin chungkhar chungtel hna cu thilri chawva nakin mansung deuh mi a si taktak ko.

            Innchungkhar hna nih annih chungkhar vialte kha upat in man an ngeihter ahcun a ṭhatuk in a ṭhancho lai i Khrihfa tling a simi chungkhar ah an cang lai.

            Cucaah innchungkhar chungtel hna cu pakhat cio kha man an ngeihter cio lai. Zapi i bawm in ṭhancho ternak ṭuancio awk asi ko lo maw?

NGAKCHIA HNA NAWLNGEIHNAK

1. Zaangfah zawnruahnak, dawtnak, theihthiamnak ngeihnak nawl
2. A zatceomi ṭhanternak rawl le si-ai hmuhnak nawl
3. A ṭhami fimthiam cawnnak nawl
4. A zatceomi lentecelhnak le dinhnak nawlngeih khawhnak
5. Ramchung mi sinak nawl
6. Pum tlinglo an si ahcun ṭhatein zohkhenh innak nawl
7. Harnak ton can ah hmasabik khamhnak nawl
8. Phu pakhat can santlaimi sinak caah cawnnak nawl

• Mah pumpak thil tikhawhnak kha ṭhancho ternak tuahnak nawl
• Daihnak le unau chuahkhat thinlung a nunnak hnga sermi sinak nawl
• Miphun thleidan lo, takvun thleidan lo, biaknak thleidan lo, nu le pa thleidan lo in, ram thleidan lo in, ngakchia paohpaoh tinco khawh venak nawlngeihnak hna an si.

Hi caah thluan i Ngakchia he pehtlaimi UN Cathanh asi.