Chungkhar ttha

Inn chungkhar ttha sinak dingah nu le pa a simi hna nih Pathian a ttihzahmi le pakhat le pakhat dawtnak in aa upatmi, nu le va i tthitumh tikah a thiangmi tthitumhnak he te le fa hna hi Pathian thluachuah a si tiah cawmken le fimnak cawnpiaknak, nu le pa nih fa le caah zohchunh tlak Khrihfa nun cawnpiak hi Khrihfa chungkhar ttha tiah ti a si. Chungkhar ttha hna nih vawlei a damter i a dawhter fawn. Chungkhar ttha le dawtnak le zawnruahnak a ngei mi inn chungkhar a tam deuh deuh le kan pawngkam le kan biaknak ah nuamhnak, lunglawmhnak le thanchonak a um. Kan pawngkam le kan Khrihfa bu cio ah a thiang innchungkhar ttha a um khawhnak ding caah nu le pa le mino hna nih a thiang tthitumhnak hi tha kan pek ding a si.